АБНА24 Хәбәр Верир, бу барәдә Кремлин сөзчүсү Дмитри Песков ачыглама вериб.
Әфганыстанда наркотик тиҹарәти вә терроризмлә бағлы һансы ҝәлишмәләрин олаҹағыны билмәдикләрини билдирән Песков дејиб: “Бу сәбәбдән јени рәһбәрлијин Әфганыстанда һансы аддымлар атаҹағыны билмәк бизим үчүн ваҹибдир”.
Русијанын талибләрин сентјабрын 11-дә јени мүвәггәти һөкумәтин андичмә мәрасиминдә иштирак едиб-етмәјәҹәји илә бағлы суалы ҹавабландыран Песков гејд едиб: “Хејр, Русија һеч бир шәкилдә иштирак етмәјәҹәк”.
АБШ ҝери чәкилдикдән сонра Әфганыстаны нәзарәтә ҝөтүрән Талибан Түркијә, Чин, Русија, Иран, Пакистан вә Гәтәри јени һөкумәтин тәгдим едилмәси мәрасиминә дәвәт едиб.
Бу арада Русијанын хариҹи Ишләр назири гоншу өлкәләри Әфганыстанда баш верән һадисәләрлә бағлы ајыг-сајыг олмаға чағырыб.
Серҝеј Лавров бу һагда дејиб ки, Әфганыстанда мөвҹуд вәзијјәтин гоншу өлкәләрә јајылаҹағы барәдә дүшүнмәк һәлә тез олса да, реҝион дөвләтләри һадисәләрә гаршы ајыг-сајыг олмалыдырлар.
342/
12 sentyabr 2021 - 14:58
Xəbər kodu: 1179364
Русија сентјабрын 11-дә Талибан тәрәфиндән гурулан мүвәггәти һөкумәтин андичмә мәрасиминә гатылмајаҹаг.
