АБНА24 Хәбәр Верир, бу барәдә Иранын Балыгчылыг Тәсәррүфаты Тәшкилатынын рәһбәри Иса Ҝүлшаһи мәтбуата мәлумат вериб. О билдириб ки, дәниз мәһсуллары вә балыг дәмир јолу васитәсилә Азәрбајҹандан транзит олараг Русијаја ихраҹ едиләҹәк.
И.Ҝүлшаһи нәзәрә чатдырыб ки, Иран илә Азәрбајҹан дәмир јолу әлагәсинә маликдир. Ихраҹ едиләҹәк мәһсуллар Иран Астарасындан дәмир јолу васитәсилә Азәрбајҹанын Астара шәһәринә, орадан исә Русијаја ҝөндәриләҹәк. Ҝәләҹәкдә мәһсул истеһсалы артаҹағы тәгдирдә Иран Азәрбајҹанын вә Русијанын дәмир јолларындан транзит олараг истифадә едәрәк мәһсулларыны Авропа өлкәләринә дә ихраҹ едәҹәк.
Нәзәрә чатдырмаг лазымдыр ки, Иран Хәзәр вә Оман дәнизләри, еләҹә дә Фарс көрфәзи саһилләриндә инкишаф етмиш балыгчылыг тәсәррүфатына маликдир. Адычәкилән су һөвзәләриндән илдә минләрә тон мүхтәлиф нөв балыг вә диҝәр дәниз мәһсуллары әлдә едилир вә ихраҹ үчүн бөјүк потенсиал јараныб.
342/
8 sentyabr 2021 - 13:34
Xəbər kodu: 1178069
Ҹари илин сон рүбүндән башлајараг Иран Азәрбајҹан вә Русијаја дәниз мәһсулларынын ихраҹыны һәјата кечирәҹәк.
