АБНА24 Хәбәр Верир, Сәид Хәтибзадә кечирдији һәфтәлик мәтбуат конфрансында, Иранын Әфганыстанын чәрчивәси вә ирадәси әсасында бу өлкәдә тәһлүкәсизлик јаратмаға көмәк етдијини гејд едиб.
Хәтибзадә Пәнҹширин Талибан тәрәфиндән әлә кечирмәси һаггында дејиб: "Пәнҹшир-дән ҝәлән хәбәрләр нараһатлыг доғурур. Дүнәнки һүҹумлары шиддәтлә гынајырыг, Әфганыстан лидерләринин шәһид олмасы чох кәдәрлидир. Хариҹи мүдахилә арашдырылыр. Әфганыстан тарихи ҝөстәриб ки, бирбаша вә долајы хариҹи мүдахилә ишғалчы гүввәләр үчүн мәғлубијјәтдән башга бир нәтиҹә вермәјиб. Әфганыстан халгы мүстәгил бир халгдыр вә Әфганыстанын дахили ишләринә һәр һансы бир хариҹи мүдахилә мәһкумдур."
Иран Хариҹи Ишләр Назирлијинин сөзчүсү, Иранын Әфганыстан халгынын әзијјәтләринә сон гојмаг вә әһатәли бир һөкумәт гурмаг үчүн һәр ҹүр сәј ҝөстәрмәјә һазыр олдуғуну бәјан едәрәк, дејиб: "Ҹидди бир хәбәрдарлыг едирәм бүтүн гырмызы хәтләрә риајәт олунмалыдыр. Иран Әфганыстанда баш верәнләри јахындан изләјир. Бејнәлхалг тәшкилатлар, бөлҝә өлкәләри илә бирликдә, Әфганыстанда сүлһ вә сабитлији тәмин етмәк вәзифәсинә маликдирләр".
Хәтибзадә әлавә едиб: "Әфган групларына бу өлкәдә давамлы сүлһүн бәргәрар едилмәси үчүн көмәк едәҹәјик. Али Мәгамлы Рәһбәрини бујурдуғу кими ҝәләҹәк һөкумәтин вә һакимијјәтдә олан групларын давранышлары Иранын вә бејнәлхалг өлкәләрин онлара гаршы давранышларыны мүәјјән едәҹәк. Нә гәдәр мәсулијјәтли даврансалар, бир о гәдәр, бејнәлхалг гурулушдан, реҝион өлкәләриндән вә Ирандан даһа доғру ҹаваб алаҹаглар".
342/
7 sentyabr 2021 - 11:27
Xəbər kodu: 1177641
Иранын Хариҹи Ишләр Назирлијинин сөзчүсү дејиб: "Иран Әфганыстанда сүлһ вә сабитлијин јарадылмасы үчүн Әфганыстан халгынын јанында олуб вә олаҹаг да".
