АБНА24 Хәбәр Верир, БМТ-нин Әфганыстанда һуманитар мәсәләләр үзрә координатору Рамиз Әләкбәров сонра билдириб ки, Әфганыстан бир инсан фәлакәти астанасындадыр. БМТ-нин вә онун шәрикләринин фәлакәтин баш вермәсинин гаршысыны алмаг үчүн әлләриндән ҝәләни едәҹәкләри реаллығына рәғмән, онлар ҝүҹлү вә сәхавәтли бир бејнәлхалг дәстәк олмадан бу иши ҝөрә билмәзләр.
БМТ нүмајәндәси гејд едиб ки, әсас проблем, гида чатышмазлығыдыр. Әфганларын јарысындан чоху сәһәр јухудан дураркән һәмин ҝүн јемәк әлдә едә биләҹәкләрини билмирләр.
О дејиб ки, Кабил аеропорту бағлыдыр, амма БМТ вә онун шәрикләри јардымларын көчүрүлмәси үчүн башга јоллар ахтармагдадырлар.
БМТ-нин Әфганыстанда һуманитар мәсәләләр үзрә координатору дејиб ки, јардымлар Пакистан автомобилләри васитәсилә Әфганыстана тәһвил вериләҹәк вә илк тәјјарә тибб ләвазиматларына шамил олан 37 тондан чох јүклә Мәзар-Шәрифә дахил олуб.
Әләкбәров билдириб ки; «200 мин нәфәр үчүн нәзәрдә тутулан бу јүк 20 хәстәханаја тәһвил вериләҹәк. Һал-һазырда Әфганыстана 600 тон гида маддәләри тәһвил верилиб. Бу јемәкләр хүсусән әфган ушаглар үчүн зәруридир, зира онларын јарысы аҹлыг астанасында дураҹаг».
БМТ нүмајәндәсинин сөзләринә ҝөрә, һәтта Әфганыстанын Талибан тәрәфиндән әлә кечирилмәсиндән өнҹә БМТ дүнја иҹтимаијјәтиндән әфганлара јардым үчүн 1,3 милјард доллар вәсаит ајырмасыны истәмишди.
342/
3 sentyabr 2021 - 12:26
Xəbər kodu: 1176257
Американын биабырчылыг вә мәсулијјәсизҹәсинә Әфганыстандан чыхмасындан сонра БМТ-нин Әфганыстан мәсәләләри үзрә нүмајәндәси бу тәшкилатын анбарларында Әфганыстан үчүн еһтијат едилмиш гида маддәләринин ҹари ил сентјабр ајынын сонунадәк битәҹәји вә инсан бөһранынын баш верәҹәји барәдә хәбәрдарлыг едиб.
