АБНА24 Хәбәр Верир, Сионист һәбрчиләр дүнән ахшамчағы вә Гәззә золағынын ҹәнубунда јерләшән Рәфәһ вилајәтинин шәргиндә фәләстинлиләрин бу бөлҝәнин мүһасирәсинин давам етмәсинә гаршы аксијаларынын бешинҹи ҝеҹәсиндә онлара һүҹум едиб, бир груп инсаны јаралајыблар.
Бу аксијада бир фәләстинли ҝәнҹ сионист һәрбчиләрин резин ҝүллә атәши илә синә наһијәсиндән јараланыб. Ики фәләстинли ҝәнҹ дә ајагларына газ ҝүлләси гәлпәсинин дәјмәси нәтиҹәсиндә зијан чәкиб. Онларла фәләстинли исә ҝөзјашардыҹы газла тәнәффүс нәтиҹәсиндә нәфәс чатышмазлығына дүчар олуб.
Мүшаһидәчиләрин сөзләринә ҝөрә, Гәззә золағынын шәргиндәки сәнҝәрләрин архасында вә өз һәрби базаларында јерләшән гәсбкар режимин һәрбчиләри вә снајперләри аксијада иштирак едән фәләстинлиләрә гаршы ҝүллә вә ја ҝөзјашардыҹы газдан истифадә едибләр. Белә бир һалда, сионист режим ПУА-лары да бөлҝәнин сәмасында патрул кечибләр.
Аксија бешинҹи ҝүндүр ки, Гәззә золағынын ҹәнубунда јерләшән Рәфәһ вә Хан Јунус вилајәтләриндә, Ҹәбалија гәсәбәси вә Гәззә шәһәринин шәргиндә кечирилир вә индијәдәк бир ушаг вә бир ҝәнҹин шәһид олмасы, сәксән нәфәрин исә јараланмасы илә нәтиҹәләнибдир.
Гәззә золағы 2006-ҹы илдән бәри сионист режимин гуру, һава вә дәниз мүһасирәси алтындадыр вә бу бөлҝәнин сакинләри бир чох проблемлә үзләширләр.
342/
3 sentyabr 2021 - 12:11
Xəbər kodu: 1176249
Сионист һәбрчиләрин Гәззә золағынын ҹәнубунда фәләстинлиләрин динҹ аксијасына гаршы һүҹумунда бир груп инсан јараланыб.
