АБНА24 Хәбәр Верир, РТ каналы бир репортажда билдирир ки, Шаһидләрин сөзләринә ҝөрә, әслиндә26 август Кабил аеропортунда төрәдилмиш партлајыш нәтиҹәсиндә һадисә јериндәки инсанларын аз бир гисми һәлак олуб, галанларыны америкалы әсҝәрләр гәтлә јетирибләр.
"Америкалылар елә билдиләр ки, күтләнин ичиндә камикадзеләр вар вә һаваја дејил, бирбаш инсанлара атәш ачдылар", – дејә инсидент заманы хәсарәт аланлардан бири билдириб.
Диҝәр шаһидләрин сөзләринә ҝөрә, "партлајыш нәтиҹәсиндә һадисә јериндәки инсанларын аз бир гисми һәлак олуб", галанларыны исә тәшвиш гапылмыш америкалы әсҝәрләр атәшә тутублар.
"Чахнашма дүшдү, һамы гачмаға башлады. Јәгин, америкалылар фикирләшдиләр ки, бизим арамызда да партлајыш едә биләҹәк адам вар, она ҝөрә дә атәш ачмаға башладылар. Әслиндә партлајыш нәтиҹәсиндә өләнләрин сајы аз олду, чүнки партлајышын еписентри америкалыларын олдуғу тәрәфдә иди. Инсанлар даһа чох јаранмыш чахнашмада вә америкалыларын һәр тәрәфдән оналары атәшә тутмасы нәтиҹәсиндә өлдүләр", – дејә һадисәнин шаһиди Шаһ Ҹан билдириб.
Гејд едәк ки, августун 26-да Кабил аеропортунда ики партлајыш олуб. Һадисәнин мәсулијјәтини (ИШИД) груплашмасы өз үзәринә ҝөтүрүб. Террор акты нәтиҹәсиндә 13 америкалы әсҝәр вә 200 әфган һәјатыны итириб.
Августун 29-да исә Американын пилотсуз тәјјарәси Кабилдә бир автомобили һәдәфә алыб, нәтиҹәдә 12 нәфәр һәлак олуб ки, онларын арасында ушаглар да вар.
342/
1 sentyabr 2021 - 09:24
Xəbər kodu: 1175423
Америкалы һәрбчиләр августун 26-да Кабил аеропортунда баш вермиш террор актындан дәрһал сонра динҹ инсанлара атәш ачыблар. Онлар һәтта јерә јыхылмыш адамлара да мәрһәмәт етмәјибләр.
