АБНА24 Хәбәр Верир, Т.Зүлфүгаров Ахар.аз-а вердији мүсаһибәдә дејиб: Азәрбајҹан тәрәфи сентјабрын 2-дә сепаратчы-террорчу режимин гондарма “мүстәгиллик ҝүнү”нүн 30 иллијини гејд етмәк истәјәнләрлә бағлы ҹидди аддым атмалыдыр.
Азәрбајҹан Республикасынын кечмиш хариҹи ишләр назири Белә бир ҝүнүн гејд едилмәсинин һәм 10 нојабр бәјанатынын кобуд шәкилдә позулмасы, һәм дә Русија сүлһмәрамлыларынын вәзифә сәлаһијјәтләрини јеринә јетирмәмәси демәк олдуғуну хатырладыб вә мәһз буна ҝөрә Азәрбајҹан Республикасы һөкумәтини хүсусијлә бу мәсәләдә Русија сүлһмәрамлыларына ҹидди хәбәрдарлыг етмәјә чағырыб.
“Ханкәнди вә әтрафы мүвәггәти олараг Русија сүлһмәрамлыларынын нәзарәтиндәдир. Јәни ермәниләрин бурада едәҹәји истәнилән инсидентдән онлар ҹавабдеһлик дашыјыр. Буна ҝөрә дә нә олур-олсун, Русија сүлһмәрамлылары белә бир ҝүнүн кечирилмәсинә иҹазә вермәмәлидир.”- дејә Т.Зүлфүгаров дејиб.
Плитолог Азәрбајҹан Республикасынын Лачын дәһлизиндә баш верәнләрә һәрһансы мүдахилә имканындан мәһрум олмасына да тохунуб. Тофиг Зүлфүгарова ҝөрә Азәрбајҹан Русија сүлһмәрамлылары илә бирликдә Лачын дәһлизинә нәзарәти һәјата кечирмәлидир. “Гарабаға һеч бир хариҹи өлкә вәтәндашы ганунсуз кечә билмәз. Ермәнистан вәтәндашлары да хариҹи өлкә вәтәндашы сајылыр вә ејни гајдада онлар да Гарабаға рәсми Бакынын иҹазәси олмадан бурахылмамалыдыр”.-дејә Политолог билдириб.
342/
