Әли Һәсәнов нијә тәһдид олунур?

АБНА24 Хәбәр Верир, Ә.Һәсәнов Твиттер һесабында јазыб:“Дүнәндән нә заманса туалетдә мәним ҝизли шәкилдә чәкилмиш вә бөјүр-башы мүхтәлиф еротик видеоларла бәзәдилмиш видео ҝөрүнтүләрими јајмамаг үчүн бәзи үнванлардан ҹидди тәһдид сифаришләри алырам. Бу һагда әввәлҹәдән аидијјәти гурумлара хәбәр вермишәм. Бу бир шәбәкә мафијасынын ишидир вә лазыми анда өз ҹәзасыны алаҹагдыр”.

Ә. Һәсәновун шәбәкә мафијасы адландырдығы груплар елә онун һакимијјәтдә олдуғу узун илләр әрзиндә вахташыры олараг мүхтәлиф сијаси фәаллар, инанҹлы тәбәгәнин нүмајәндәләри, мәмурлар барәдә ифшачылыг едән журналистләр вә һәтта өз һүгугларыны тәләб едән ади вәтәндашлара гаршы шәр вә бөһтан әмәлијјатлары илә мәшғул олмушдур. Анҹаг бу шәбәкә мафијасы васитәси илә шәрләнәрәк һәбс едиләнләрин фәрјадлары һеч вахт ешидилмәмишдир. Елә сон ҝүнләр “Ҝәнҹә иши” адланан мәһкәмә проссесинин јекун һөкмүнә етираз едән мәһбус аиләләри дә өз јахынларынын һәмин шәбәкә мафијасынын гурбанлары олдугларыны билдирдиләр.

Һакимијјәтин истәнилән мүхалифә гаршы истифадә етдији иддиа едилән һәмин шәбәкә мафијасынын инди нәјә ҝөрә һаким партијанын тәсисчиләриндән бири олмуш онун идеолоҝија шобәсинин мүдири вәзифәсиндә чалышмыш Әли Һәсәнову һәдәфә алмасы ҹидди суал олараг һәләлик ҹавабсыз галыр.

Гејд едәк ки, Нахчыванда доғулмуш Әли Һәсәновун мәмурлуг дөврү 1994-ҹү илдән, онун Нахчывандан Бакыја ҝәлмәсиндән сонра башлајыб. Медиада ады Азәрбајҹанын мәрһум үчүнҹү президенти Һејдәр Әлијевин "садиг тәрәфдары" кими кечән Әли Һәсәнов елә һәмин илдән һаким партијада идеолоҝија шөбәсинин мүдири кими чалышыб.

Әли Һәсәнов 1995-ҹи илдән Президент Администрасијасынын иҹтимаи-сијаси мәсәләләр шөбәсинә рәһбәрлик едиб. 2015-ҹи илдә шөбә мүдири вәзифәсини сахламагла, һәм дә президентин иҹтимаи-сијаси мәсәләләр үзрә көмәкчиси тәјин олунуб. 2019-ҹу илин нојабрында вәзифәдән азад едилиб.

342/