АБНА24 Хәбәр Верир, бу барәдә Русија Мүдафиә Назирлији мәлумат јајыб.
Гејд олунуб ки, Гарабағда мүшаһидә мәнтәгәсинә мүмкүн һүҹумун гаршысыны алмаг барәдә һазырлыг тәлимләри кечирилиб.
Русија гүввәләринин Гарабағдакы һәрәкәтләри Азәрбајҹанда тәшвишлә гаршыланыр. Атлас Арашдырмалар Мәркәзинин рәһбәри политолог Елхан Шаһиноғлу бунунла бағлы фејсбук үзәриндән јаздығы шәрһдә јазыр: “Русија Гарабағда ермәниләрә ев тикир, сосиал проблемләринин һәллиндә иштирак едир, тәлим вә ганвермә аксијаси кечирир, даһа нә галды?”
Политолог билдирб ки, Русијанын Гарабағдакы ермәниләрә паспорт пајламасына бирҹә аддым галыб. Русија Украјнанын шәргиндә сепаратчыларын нәзарәт етдији әразидәки инсанлара паспортлары пајлајыб вә бунунла ораны мүдафиәси алтына алыб.
Азәрбајҹанлы експертләрин гәнаәтинҹә сон һәфтәләрдә дөвләт сәрһәдиндә ермәниләр тәрәфинин демәк олар ки, бүтүн истигамәтләрдән атәшкәси позмасы ону демәјә әсас верир ки, Ермәнистандакы реваншист гүввәләр Русијанын Ермәнистана лојаллыг етмәсиндән руһланыблар. Она ҝөрә дә һәтта Гарабағда, Шуша әтрафында јашајан ермәниләр белә мүнтәзәм олараг провокасијалара әл атыб Азәрбајҹан Силаһлы Гүввәләринин мөвгеләрини атәшә тутурлар. Буна ҝөрә сијасәтчиләр билдирирләр ки, индики шәраитдә антитеррор әмәлијјатларына еһтијаҹ вар. Чүнки онларын фикринҹә Гарабағда галан сепаратчылар зәрәрсизләшдирилмәјәнә, јахуд Русија "сүлһмәрамлылары" онлары тәркисилаһ етмәјәнә гәдәр реҝионда там сабитликдән сөһбәт ҝедә билмәз.
Бәзи тәһлилләрә ҝөрә исә, сәрһәд тоггушмалары фонунда Русијанын Ермәнистана силаһ тәдарүкү, АБШ илә Авропа Иттифагынын малијјә јардымлары вә Азәрбајҹан Республикасынын Исраил режими илә 2 милјард долларлыг силаһ мүгавиләси имзаламасы бөлҝәдә нәинки сүлһ вә сабитлијин бәргәрарына хидмәт етмир, һәтта ҝөзләнилмәз мүһарибә үчүн дә бир стимул верә биләр. Чүнки тәрәфләр арасында сүлһ мүгавиләсинин имзаланмасы далана дүшүб вә Ермәнистанла онун һавадарлары Гарабаға статусун верилмәси идејасындан әл чәкмәјәрәк Азәрбајҹанын әрази бүтөвлүјүнү танымагдан бојун гачырырлар.
342/
18 avqust 2021 - 15:19
Xəbər kodu: 1171019
Гарабағда јерләшән Русија сүлһмәрамлылары дөјүш тәлимләринә башлајыб.
