"Сиз бир дәстә милләтчиләр чох билирсиниз, ја өлкәнин президенти?!"

АБНА24 Хәбәр Верир, ҹәнаб Амили дејиб: "Бу јахынларда Гафгаз Мүсәлманлары Идарәсинин һөрмәтли шејхи Аллаһшүкүр Пашазадә Ислам Ингилабы Али Рәһбәринин фәтвасынын Дағлыг Гарабағын азадлығына тәсири илә бағлы чох ҝөзәл чыхыш едиб. О, “Ајәтуллаһ Хаменеинин “Гарабағ торпағы Ислам торпағыдыр” дејәрәк фәтва вермәси гәләбәнин ҹарчысы иди вә бизи гәләбәјә апарды” дејиб. Һөрмәтли Шејхә гәлбән тәшәккүр едирәм. Өз адымдан вә Әрдәбил ҹамаатынын адындан Шејхә тәшәккүрүмүзү чатдырырам. Шејх бу фәтвадан сонра Азәрбајҹанда вә Түркијәдә бәзи инсанлар тәрәфиндән ҹидди һүҹумлара мәруз галды. Ҹәнаб Шејхә етираз едәнләр мәрҹәијјәтдән, мүҹтәһидин фәтвасындан, фәгиһин вилајәтиндән, шиәнин кимлијиндән хәбәрсиздирләр. Онлар унудурлар ки, һеч бир үнсүрүн мүҹтәһидин фәтвасы гәдәр ҝүҹү, гүдрәти јохдур. Шејхин бујурдугларыны чох һесабланмыш бир мәсәлә һесаб едирик вә онларла танк, тәјјарә вә ПУА-нын Рәһбәрин фәтвасыны гәтиликлә әвәз етмәјәҹәјини сөјләјирик."

Әрдәбилин имам-ҹүмәси гејд едиб: "Бу ҝүнләрдә Ирана гаршы јаланлар вә бөһтанлар Азәрбајҹан мәтбуатында вә сосиал шәбәкәләрдә зирвәјә чатыб. Ираны Ермәнистана јардым етмәкдә ҝүнаһландырырлар. Һалбуки Азәрбајҹан президенти ачыг шәкилдә Ирандан Ермәнистана һеч бир силаһын ҝетмәдијини ачыглады. Сиз бир дәстә милләтчиләр чох билирсиниз, ја өлкәнин президенти?!"

Чыхышынын сонунда Азәрбајҹан халгы вә өлкә мүхалифәтинә үзүнү тутан Ајәтуллаһ Сејјид Һәсән Амили дејиб:“Биз бөјүк вә әзиз Азәрбајҹан халгындан истәјирик ки, өлкә президентинин вә Шејхин дедикләри гаршысында ики өлкәнин арасыны вурмаға чалышан вә бу ики өлкәнин пислијини истәјән шәхсләрин сөзләринә гулаг асмасынлар. Мүхалифәтә дә дејирик ки, Иранын биринҹи Гарабағ мүһарибәсиндәки тарихи вә икинҹи Гарабағ мүһарибәсиндәки һәртәрәфли иштиракы ҝүнәш кими ифтираларынызы ифша едәҹәк. Сиз бош јерә мәнасыз шәкилдә бу тәхрибатлар үчүн чалышырсыныз вә јалныз өзүнүзү зәһмәтә салырсыныз”.

342/