АБНА24 Хәбәр Верир, Италијада делта штаммынын јајылмасы сүрәтләниб. Сон бир ајда Италијада коронавирус мәһдудијјәтләринин јумшалдылмасы фонунда бу инфексијаја јолуханларын сајы әһәмијјәтли дәрәҹәдә артыб.
Италијанын Сәһијјә Назирлијинин вердији мәлумата ҝөрә, Италијанын 20 әјаләтиндән 16-да мутасијалы делта вирусу ашкар едилиб ки, 8 әјаләтдә үмуми јолуханларын 50 фаиздән чохуну әһатә едир.
Италијада Јолухуҹу Хәстәликләрин гаршысынын алынмасы үзрә директор Ҹиованни Ретса бу һагда дејиб: "Италијада Делта штаммы вә ја һәмин Һиндистан вирусу әһәмијјәтли дәрәҹәдә артыбдыр вә тезликлә доминант штамма чевриләҹәк. Бу вирусу нәзарәтә алмағын јеҝанә јолу сәһијјә протоколларына дәгиг шәкилдә риајәт етмәк вә пејвән олунмагдыр".
Ејни заманда сәһијјә експертләри Италијанын 4 әјаләтинин сары зона вәзијјәтинә гајытмаг әрәфәсиндә олдуғуну билдирәрәк, сон һәфтәләрдә Авро-2020 јарышларына тамаша етмәк үчүн инсанларын күтләви сурәтдә топланмасыны коронавируса јолуханларын сајынын артмасында әсас амил кими дәјәрләндирибләр.
Мүтәхәссисләр, һәмчинин инсанларын базар ертәси ҝүнү Романын мәркәзи күчәләриндә, бу өлкәнин милли футбол командасы карваныны гаршыламаг үчүн сосиал мәсафәни горумадан сых вә издиһамлы топланмасыны да кәскин шәкилдә тәнгид едибләр.а
342/
14 iyul 2021 - 13:09
Xəbər kodu: 1160574
Италијада Делта штаммына јолуханларын сајы дурмадан артыр
