АБНА24 Хәбәр Верир, сәфир Исмаил Бәгаји Һаманә Чәршәнбә ахшамы ҝүнү Инсан Һаглары Шурасынын, Сојгырым үзрә Хүсуси Мәрузәчи илә интерактив диалог мөвзусунда кечирилән 47-ҹи иҹласында әлавә едиб: "Биртәрәфли мәҹбуретмә тәдбирләри вә санксијалар һәдәф әһали үзәриндә дәрһал вә давамлы мәнфи тәсирләр ҝөстәрдијинә ҝөрә мүасир сојгырым кими гәбул едилмәлидир".
Бу ҝүн ән дәһшәтли сојгырым һадисәсинин ишғал олунмуш Фәләстиндә баш вердијинә тохунан Бәгаји Һаманә дејиб: "Бу сојгырымын гаршысыны алмаг үчүн јеҝанә зәманәт олараг, ишғала сон гојмагда бүтүн өлкәләр коллектив вә бирҝә мәсулијјәт дашыјырлар".
Иранын БМТ-нин Ҹеневрәдәки офиси вә диҝәр бејнәлхалг тәшкилатлар јанында даими нүмајәндәси, Канадада мәҹбури ассимилјасија лајиһәси чәрчивәсиндә интернат мәктәбләриндә јерли ушагларын күтләви мәзарларынын ашкар едилмәси барәдә јајылан хәбәрләрә тохунараг, бу ҹүр ҹинајәтләрин әсрләр боју давам едән сәссизлик ичәрисиндә баш вермиш систематик вә гәддар бир сојгырымын ҝөстәриҹиси олдуғуну гејд едиб.
Бәгаји Һаманә, Канаданын Һәгигәт вә Узлашма Комиссијасынын 2015-ҹи илдә бу ҹинајәтләри "мәдәни сојгырымы" олараг, изаһ етмәсини, садәҹә мөвзуну әһәмијјәтсиз етмәк вә һәгигәти сахталашдырмаг ҹәһди вә бу ҹинајәтләри сөзүн әсл мәнасында "гејд-шәртсиз сојгырым"ын бариз нүмунәси кими дәјәрләндириб.
342/
30 iyun 2021 - 20:23
Xəbər kodu: 1155622
Иранын БМТ-нин Ҹеневрәдәки офиси вә диҝәр бејнәлхалг тәшкилатлар јанында даими нүмајәндәси биртәрәфли мәҹбуретмә тәдбирләрини мүасир сојгырым кими дәјәрләндириб.
