Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Һиндистанын баш назири Нариндира Муди Ајәтуллаһ Сејјид Ибраһим Рәисини Иранда кечирилән президент сечкиләриндә гәләбә газандығы мүнасибәти илә тәбрик едиб.
О, тәбрик месажында билдириб ки, үмүдварам Иран вә Һиндистан арасында әлагәләр даһа да мөһкәмләнәҹәк вә ики өлкә арасында әмәкдашлыглар даһа да артаҹаг.
Муди тәбрик месажында гејд едиб: “Ҹәнаб Рәисијә Иран Ислам Республикасынын президентлик постуна сечилмәси илә бағлы өз тәбрикләрими әрз едирәм. Вә Иран илә Һиндистан арасында олан әлагәләрин даһа да мөһкәмләндирилмәсини истәјирәм.”
Гејд едәк ки, Ајәтуллаһ Сејјид Ибраһим Рәиси Һиҹри шәмси тәгвими илә 28 Хордад 1400-ҹү ил (18.Ијун.2021) Ҹүмә Ҝүнүндә кечирилән Иранын 13-ҹү президент сечкиләриндә 17 милјон 962 мин сәс чохлуғу илә (сечиҹиләри 62%-нин сәсини топламагла) халг тәрәфиндән Иран Ислам Республикасынын 8-ҹи президенти олараг сечилмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
