АБНА24 Хәбәр Верир, мәлуматына әсасән Азәрбајҹан Дөвләт Тәһлүкәсизлији Хидмәти вә Баш Прокурорлуг бирҝә бәјанат јајараг билдирибләр ки, өтән ил нојабрын 26-27-дә Азәрбајҹана ганунсуз олараг ҝизли јолларла кечмәклә Хоҹавәнд рајонунун Һадрут гәсәбәсиндә мешәлик әразидә мөвге тутараг һәрби гуллугчулара вә мүлки шәхсләрә гаршы террор-тәхрибат вә диҝәр ҹинајәт әмәлләри төрәдән ермәни силаһлы дәстәләринин тәрксилаһ едилмиш үзвләри барәсиндә ҹинајәт иши үзрә ибтидаи истинтаг јекунлашыб.
Онларын ганунсуз шәкилдә одлу силаһ, онун комплект һиссәләрини, дөјүш сурсаты, партлајыҹы маддәләр вә гурғулар әлдә едәрәк ганунвериҹиликлә нәзәрдә тутулмајан силаһлы бирләшмәләр јаратдыглары дејилир.
Мәлуматда гејд олунур ки, силаһлы дәстә үзвләри Азәрбајҹанын дөвләт сәрһәдини ганунсуз олараг мүтәшәккил дәстә һалында кечмәклә декабрын 13-дәк өлкә әразисиндә јерләшән мүәссисә, идарә, тәшкилатлара, һабелә ајры-ајры шәхсләрә силаһлы басгынлар едибләр, иҹтимаи тәһлүкәсизлији позмаг, әһали арасында ваһимә јаратмаг, Азәрбајҹан һакимијјәт органлары вә бејнәлхалг тәшкилатлар тәрәфиндән гәрар гәбул едилмәсинә тәсир ҝөстәрмәк мәгсәдилә инсанларын һәлак олмасы, онларын сағламлығына, әмлакына зәрәр вурулмасы үчүн партлајыш, јанғын вә диҝәр террор әмәлләри төрәдибләр.
342/
8 iyun 2021 - 10:55
Xəbər kodu: 1148695
Мүһарибәдән 7 ај сонра Бакыда ермәни силаһлыларын мәһкәмәси башлајыб.
