Үчтәрәфли сазиш нә вахта гәдәр бир тәрәфә-ермәнијә ишләјәҹәк?

АБНА24 Хәбәр Верир, Илһам Исмајыл Модератор поталында јајылан мәгаләсиндә билдириб ки, 10 нојабр 2020 ил Азәрбајҹан, Русија вә Ермәнистан арасында имзаланмыш үчтәрәфли сазишин Азәрбајҹан үчүн ваҹиб олан даһа үч бәнди јеринә јетирилмир. Дөрдүнҹү бәнд исә үмумијјәтлә гејри-мүәјјәндир. Белә ки, “ермәни силаһлы гүввәләринин ҝери чәкилмәси...” дедикдә конкрет ҝөстәрилмәјиб ки, бу “ҝери” дејилән јер һарадыр.

Тәһлүкәсизлик експерти гејд едиб ки, “ Артсах мүдафиә ордусу” ады алтында ермәни силаһлы гүввәләринин Азәрбајҹан әразисиндән чыхарылмасы мәсәләси ачыг олараг галыр, әксинә бу гүввәләрин сајы ҝетдикҹә артырылыр вә Ермәнистан Республикасы ҝизли шәкилдә континҝенти тәзәләјир, ишғал давам едир.

Илһам Исмајылын јаздығына ҝөрә, реаллашан бәндләрин өзүндә дә әксиклик кифајәт дәрәҹәдәдир вә бу әксиклик бизим марагларымыза гаршыдыр. Лачын рајонунун мәркәзинә вә дөвләт сәрһәдинә гәдәр олан дәһлиз истигамәтиндә јерләшән кәндләрә дә бизим нәзарәт етмәк имканы танынмајыб. Дәһлиз боју јашајыш мәнтәгәләринә Азәрбајҹан һәрбичиләри бурахылмаса да, ганунсуз мәскунлашмыш ермәниләрин дә бу јерләрдә галмасы доғру дејил

Диҝәр тәрәфдән 7-ҹи бәндә әсасән, мәҹбури көчкүнләр вә гачгынлар Бирләшмиш Милләтләр Тәшкилатынын Гачгынлар үзрә Али Комиссарлығы Идарәсинин нәзарәти алтында Дағлыг Гарабағ әразисинә вә она битишик әразиләрә гајыдырлар. Һалбуки разылашма там биртәрәфли шәкилдә һәјата кечирилир. Русија гыса бир мүддәтдә 52 мин ермәнинин гајытмасыны тәшкил етди. Азәрбајҹандан олан гачгынларын исә о јерләрә дөнмәси барәдә һеч бир рәсми мөвге јохдур. Азәрбајҹан тәрәфи бу истәји 7 ајда бир дәфә дә олсун рәсмән билдирмәјиб.

Експетт 9-ҹу бәндә дә өз ирадыны билдириб. “ Бөлҝәдәки бүтүн игтисади вә нәглијјат әлагәләри блокдан чыхарылыр. Бу бәндин дә бизим үчүн реаллашмадығы фактдыр. Нә Кәлбәҹәрә, нә дә Шушаја дахили јолларла ҝедә билмирик. Ики тәрәф үчүн сазишдә нәзәрдә тутулан јоллар ачыгдыр, бизә ҝәләндә бағлы. Она ҝөрә дә заманын узанмасы галиб дөвләтин јәни Азәрбајҹанын мөвгеләрини мөһкәмләтмир. Үчтәрәфли сазиш нә вахта гәдәр бир тәрәфә-ермәнијә ишләјәҹәк?”, -јазыр Илһам Исмајыл.

342/