АБНА24 Хәбәр Верир, Исраил режиминин Гәззаја һүҹумларында 55-и ушаг бағчасы олан 187 мәктәбә зијан дәјиб.
Дејерлер.орҝ Анадолу-ја истинадән хәбәр верир ки, Фәләстинин Тәһсил вә Тәдрис Назирлији Исраил режиминин мүһасирәдә олан Гәззаја гаршы 12 ҝүнлүк тәҹавүзкар һүҹумларында 55 ушаг бағчасы вә 187 мәктәбә зијан дәјдијини ачыглајыб.
Назирлијин Бејнәлхалг Әлагәләр вә Әмәкдашлыг Шөбәсинин директору Әһмәд Ән-Нәҹҹар Анадолу аҝентлијинә Исраил режиминин Гәззаја һүҹумларында һәјатыны итирән шаҝирдләр вә зәрәр ҝөрән тәһсил биналары һаггында данышыб.
Назирлијин Исраил режиминин Гәззаја етдији һүҹумларда 77 тәләбәнин һәјатыны итирдијини сәнәдләшдирдијини сөјләјән Нәҹҹар, һәјатыны итирән шаҝирдләрин ибтидаи тәһсилдән али тәһсилә гәдәр олан тәләбәләр олдуғуну гејд едиб.
Нәҹҹар Исраил режиминин һүҹумларында 55 ушаг бағчасы вә 132 ибтидаи мәктәбә зијан дәјдијини вә дағыдылма дәрәҹәсинин һәддән артыг бөјүк олдуғуну билдириб.
Исраил режиминин полис биналарындан вә Фәләстин мүгавимәт групларындан узагдакы тәһсил биналарыны да бомбаладығыны гејд едән Нәҹҹар, јараланан шаҝирдләрин вә бомбардмандан тәсирләнәнләрин психоложи дәстәјә еһтијаҹы олдуғуну сөјләјиб.
Гејд едәк ки, Исраил режиминин Гәззаја етдији сон һүҹумларында 66 ушаг вә 39 гадын олмагла 254 фәләстинли һәјатыны итириб вә 1948 нәфәр јараланыб.
342/
29 may 2021 - 15:30
Xəbər kodu: 1145568
Фәләстинин Тәһсил вә Тәдрис Назирлији Исраил режиминин мүһасирәдә олан Гәззаја гаршы 12 ҝүнлүк тәҹавүзкар һүҹумларында 55 ушаг бағчасы вә 187 мәктәбә зијан дәјдијини ачыглајыб.
