АБНА24 Хәбәр Верир, сионист режимлә 12 ҝүнлүк мүһарибәдә Фәләстин мүгавимәтинин гәләбә чалмасы фонунда Иран Ислам Ингилабы Кешикчиләри Корпусу СЕПАҺ-ын баш команданы ҝенерал-лејтенант Сәлами, Фәләстин Ислами Мүгавимәт Һәрәкаты Һәмас-ын сијаси бүросунун сәдри Исмајыл Һәнијјә вә Фәләстин Ислами Ҹиһад Һәрәкатынын баш катиби Зијад Ән-Нәхалә илә баш тутан ајры-ајры телефон данышығы заманы мүгавимәт шәһидләринин, хүсусилә дә шәһид Һаҹы Гасим Сүлејманинин хатирәсини јад едәрәк вә бу бөјүк гәләбә мүнасибәтилә Фәләстинин дөзүмлү вә иззәтли халгы, ҹәсур вә гејрәтли мүбаризләрини тәбрик едәрәк, гәсбкар Исраил режиминин сүгуту вә чөкүшүнә гәдәр мүгавимәти дәстәкләјәҹәкләрини вә Фәләстин халгыны јалныз бурахмајаҹагларыны вурғулајыб.
Ҝенерал-лејтенант Сәлами телефон сөһбәтиндә Фәләстин мүгавимәтинин гәләбәсини илаһи бир мөҹүзә вә инсан шәрәфи вә ләјагәтинин бәрпачысы кими дәјәрләндириб вә дејиб: "Гәсбкар Исраил режиминин мәғлубијјәти тәкҹә сионистләрин мәғлубијјәти дејил, һәм дә АБШ, Инҝилтәрә вә бу хәрчәнҝ вәзи илә мүнасибәтләри нормаллашдырма просесиндә бир-бирләрини үстәләјән мәнфур режимләрин мәғлубијјәти иди.
СЕПАҺ-ын баш команданы јени, бөјүк, глобал вә үстүн әлли бир Фәләстинин мејдана ҝәлмәсини бу мөһтәшәм һадисәнин нәтиҹәси адландырыб вә гејд едиб ки, Фәләстин мүгавимәтинин бу сон гәләбәсиндә һамы сионист режимин тәнәззүл, мәғлубијјәт, мәһв олма вә чөкүш астанасында олдуғуну ҝөрдү.
О, сон епосун гәсбкар сионистләрә дөзүмлү фәләстинлиләрин пәнаһсыз олмадыгларыны, һәтта гылынҹ саһиби олдугларыны вә бу режимин онлара һүҹум етмәмәли олдуғуну анлатдығыны бәјан едәрәк, мүгавимәтин ҝүҹүнүн артырылмасы вә гәсбкар Исраил режиминин чөкүшү вә Гүдси-Шәрифин азадлығына гәдәр Фәләстин халгынын јанында олмағын ваҹиблијини вурғулајыб.
Фәләстин Ислами Мүгавимәт Һәрәкаты ҺӘМАС-ын офисинин рәһбәри Исмајыл Һәнијјә дә Иран Ислам Республикасына гәтијјәтли мөвгеји вә Фәләстин халгына вердији дәстәкләринә ҝөрә, тәшәккүрүнү билдириб.
Фәләстин Ислами Мүгавимәт Һәрәкаты ҺӘМАС-ын сијаси офисинин рәһбәри, Фәләстинин зәфәрини мүсәлман үммәтинин гәләбәси вә мүсбәт инкишафларын башланғыҹы кими характеризә едәрәк дејиб: "Шүбһәсиз ки, сионист режимин вәзијјәти һеч вахт кечмишдәки кими олмајаҹаг, һәтта әҝәр бүтүн мүттәфигләри онлара көмәк етсәләр вә дәстәк версәләр".
Ислами Ҹиһад Һәрәкатынын баш катиби Зијад Ән-Нәхалә дә СЕПАҺ-ын баш команданы илә бу телефон данышығында Фәләстин халгынын һәмишә бу гәләбәнин реаллашаҹағына инандығыны вә бу јолда гәтијјәтли олдуғуну вурғулајараг, дејиб: Иран Ислам Республикасы бүтүн саһәләрдә бизим јанымызда олуб вә бу бөјүк гәләбәдә бизи тәсдигләмишдир".
Ислами Ҹиһад Һәрәкатынын баш катиби, Ислам Ингилабынын Бөјүк Рәһбәринин дәстәјини јүксәк гијмәтләндирәрәк, Гүдси-Шәриф вә мүгавимәт шәһидләринин хатирәсини јад едиб вә дејиб: "Бу бөјүк гәләбәдә ҝөстәрилән сәјләри, хүсусән һәр заман бизим јанымызда олан шәһид Һаҹы Гасим Сүлејманинин мүбаризәләрини хатырламалыјыг, бу гәләбәни дәстәкләјән вә ону тәсбит етмәк үчүн әлләриндән ҝәләни едән гардашлары".
342/
22 may 2021 - 19:32
Xəbər kodu: 1143390
СЕПАҺ-ын баш команданы Фәләстин мүгавимәт групларынын командирләри илә баш тутан телефон данышығында, СЕПАҺ-ын Исраил режими чөкәнә гәдәр Фәләстин халгынын јанында олаҹағыны вурғулајыб, мүгавимәт лидерләри дә Иран Ислам Республикасына гәтијјәтли мөвгеји вә Фәләстин халгына вердији дәстәкләрә ҝөрә тәшәккүр едибләр.
