АБНА24 Хәбәр Верир, Бејтүл-Мүгәддәсдә ҝәрҝинлијин артмасы вә сионист режим һәрбчиләринин Әл-Әгса мәсҹиди вә Шејх Ҹәрраһ мәһәлләсиндә фәләстинлиләрә һүҹум етмәси фонунда хәбәр мәнбәләри БМТ Тәһлүкәсизлик Шурасынын базар ертәси ҝүнү бу мәсәләни мүзакирә етмәји планлашдырдығыны билдирибләр.
Ән сон һадисәләрдә, Шејх Ҹәрраһ мәһәлләси вә Әл-Әгса мәсҹидинин Бабәл-Әмуд дарвазасыда сионист режим һәрбчиләри илә фәләстинли етиразчылар арасында баш верән тоггушмада азы 14 фәләстинли јараланыб вә бир нечәсинин дә сахландығы билдирилир.
Сионист режим Рамазан ајынын әввәлиндән фәләстинли мүсәлманларын мүгәддәс мәканлара ҝиришини ҹидди шәкилдә мәһдудлашдырыб ки, бу да фәләстинлиләр тәрәфиндән етиразлар вә отураг аксијаларла гаршыланыб.
Сон ҝүнләрдә, фәләстинлиләрә гаршы шиддәтә сон гојмаг үчүн сионист режимә бејнәлхалг тәзјигләр артыб. Түркијә, Мәракеш, Сурија, Иорданија вә бөлҝедеки бир чох өлкә Исраил режиминин Шәрги Гүдсдәки вандализминә етираз едәрәк, ону кәскин шәкилдә гынајыблар.
Һәмчинин, Түркијә медиасы базар ҝүнү минләрлә түркијәлинин сионистләрин фәләстинлиләрә гаршы һүҹумларыны писләмәк үчүн бу режимин Истанбулдакы консуллуғу гаршысында топландығыны билдириб.
Бәзи хәбәр мәнбәләринә ҝөрә, бир чох етиразчы консуллуғун диварындан јухары галхыб.
342/
10 may 2021 - 20:48
Xəbər kodu: 1139766
Бирләшмиш Милләтләр Тәшкилатынын Тәһлүкәсизлик Шурасы базар ертәси ҝүнү ишғал олунмуш Гүдс вә Шејх Ҹәрраһ мәһәлләсиндә јашанан һадисләр барәдә топланты кечирәҹәк.
