Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Гум Елми Һөвзәсиндә тәһсли алан Азәрбајҹан Республикасынын руһаниләри өтән ил Феврал ајынын 29-нда Дөвләт Тәһлүкәсизлик Хидмәти әмәкдашлары тәрәфиндән сахланылараг һәбс едилән Азәрбајҹан Ислам Партијасынын сәдр әвәзи Һаҹы Илһам Әлијевә гаршы сүрүлән иттиһамларын арадан ҝөтүрүлмәсини истәјибләр. Бу барәдә редаксијамыза бәјанат дахил олуб. Бәјанатда дејилир:
“Меһрибан вә Бағышлајан Аллаһын Ады илә
Өлкәмиздә артыг бир нечә он илләдир ки, Әһли-бејт (әлејһимус-сәлам) Мәктәбинә вә Шиәлијә гаршы гара пиар давам етмәкдәдир. Азан гадағасы, мәсҹидләрин дағыдылмасы, Һиҹаба гојулан гадағалар, Шиә алимләринин вә Иҹтиһад һәддинә јахын олан шәхсијјәтләримизин мүхтәлиф гурама маддәләр илә шәрләнәрәк тәгиб олунуб, һәбс едилмәләри, Мәһәррәмлик вә Ашуранын кечирилмәсинә гојулан гадаға, Мүгәддәс Гум, Мәшһәд, Нәҹәфи Әшрәф вә Кәрбәлада мүкәммәл дин тәһсили алан Шиә руһаниләринин минбәрләрдә хүтбә охумаларына рәсми иҹазә верилмәмәси, топлумун сых олдуғу бир чох иҹтимаи објектләрин ачыг олдуғу бир вахтда ковид 19 бәһанәси илә Мәсҹидләрин бағлы галмасы вә дини ајинләрин кечирилмәсинин гадаған едилмәси, бу вә баш верән бу кими һалларын һамысы Әһли-бејт (әлејһимус-сәлам) Мәктәби вә онун давамчыларына гаршы апарылан гара пиарын бариз нүмунәсидир.
Өтән ил, 2020.02.29 тарихдә Дөвләт Тәһлүкәсизлик Хидмәти әмәкдашлары Азәрбајҹан Республикасынын ән дәјәрли устадларындан бири сајылан, өмрүнү Ислам дини вә Әһли-бејт (әлејһимус-сәлам) Мәктәбинин өјрәнилмәси вә өјрәдилмәсиндә сәрф едән шәхсијјәтләрдән бири олан һаҹы Илһам Әлијеви јашадығы евиндән ҝөтүрәрәк һәбс етмишләр. Она гаршы Азәрбајҹан Республикасынын ҹинајәт мәҹәлләсинин 274-ҹү (Дөвләтә хәјанәт) маддәси илә иттиһам ирәли сүрүлүб, 2021 –ҹи илин Апрел ајынын 01-дә кечирилән сонунҹу мәһкәмә проссесиндә һаҹы Илһам Әлијевә дөвләт иттиһамчысы 18 ил һәбс ҹәзасы верилмәсини истәмишдир. Һеч шүбһәсиз ки, 12 Апрел 2021 тарих, Бакы вахты илә саат 12:00-да нәзәрдә тутулан нөвбәти мәһкәмә проссесиндә мәһкәмә һакими дәјәрли Шиә алимини ағыр маддәләрлә азадлыгдан мәһрум етсин.
Ҝеҹ-тез белә бир шәррләнмә һадисәси илә һәр биримизин үзләшмәси ҝөзләнилән олмасы илә јанашы һәм дә һәр бир шәхсин вәзифеји-борҹудур ки, зүлмә јох дејиб, мәзлумун дадына чатсын. Буна ҝөрә дә, бизим ән азындан ҝөрә биләҹәјимиз иш, бу гәбулолунмаз олајла әлагәдар етиразымызы билдирмәклә мәзлумун јанында олмағымыздыр.
Биз, Гум Елми Һөвзәсиндә тәһсил алан Азәрбајҹан Республикасынын вәтәндашлары билдиририк ки, өлкә дахилиндә ҝедән бу хошаҝәлмәз аддымлара сон гојулмасы үчүн ҹидди тәдбирләр ҝөрүлмәли вә халгымызын әзиз вә дәјәрли Руһаниләриндән бири олан һаҹы Илһам Әлијев башда олмагла наһаг јерә һәбс едилән диҝәр дәјәрли алим вә руһаниләримизин азадлығы тәмин едилмәлидир!
Сонда билдиририк ки, һаҹы Илһам Әлијевин мәһкәмә проссесиндә јахындан иштирак етмәк мүмкүн олмаса белә сосиал шәбәкәләрдә ашағыдакы һәштәклә һаҹы Илһам Әлијев вә онунла бирҝә һәбс едилән мәзлумларын һүгугларыны горумаг һәр бир шәхс үчүн мүмкүндүр.
#Зиндан_Јусифлери #Јусиф_зинданда #Шиә_Руһаниләринә_Азадлыг
“...Ким Аллаһа тәвәккүл етсә, (Аллаһ) она кифајәт едәр. Аллаһ Өз әмрини јеринә јетирәндир. Аллаһ һәр шеј үчүн бир өлчү (һәдд, мүддәт) тәјин етмишдир.” (Гуран Кәрим, Талаг сүрәси, ајә 3)”
Диггәт: Хәбәрдән Истифадә Етдикдә Мәнбәјә Истинад Лазымдыр!
