АБНА24 Хәбәр Верир, Иран президент администрасијасынын елм вә технолоҝија мүавинлијинин нано технолоҝијасынын инкишафы гәрарҝаһынын катиби дејиб ки, Иранын нано мәһсуллары индијәдәк дүнјанын беш гитәсиндән олан 49 өлкәјә ихраҹ едилиб. Сәид Сәркар бу саһә үзрә Иран мәһсуллары базарынын иллик һәҹминин икигат артмасына ишарә едәрәк, сөјләјиб: Һазырда дахили технолоҝијалара истинадла ондан чох сәнаје саһәсиндә 725 нано мәһсулу истеһсал едиләрәк, базара ҝөндәрилир. Сәид Сәркар сон илләрдә нано мәһсулларынын ихраҹаты үзрә програмларын инкишаф етдирилмәси вә Асија өлкәләриндә нано ихраҹаты мәркәзләринин јарадылмасына ишарә едәрәк, дејиб: Чин, Һиндистан, Индонезија, Сурија, Түркијә вә Ираг Иранын нано технолоҝијасы хидмәтләри, тәҹһизатларыны гәбул едибләр. Нано елми јарадыҹылығы саһәсиндә иранлы тәдгигатчылар 2020-ҹи илдә Елми Информасија Институтунда индексләнән мөтәбәр журналларда он ики миндән чох мәгалә дәрҹ етдирәрәк, дүнјада нано билији саһәсиндә Иран Ислам Республикасынын дөрдүнҹү јерини тәсбит етдиләр.
342/
