АБНА24 Хәбәр Верир, Шиә мәзһәбинин бөјүк тәглид мәрҹәләриндән олан Ајәтуллаһ Лүтфуллаһ Сафи Ҝүлпајганинин мүбарәк Рәҹәб ајы илә бағлы илләр өнҹә вердији нәсиһәтини сизә тәгдим едир: “Салам олсун Рәҹәб ајына! Салам олсун Рәҹәб әһлинә! Салам олсун оруҹ тутанлара! Салам олсун етикаф едәнләрә! Салам олсун “Һардадыр Рәҹәб әһли” нидасына сәс верән, Аллаһын рәһмәт сүфрәсиндә немәтләриндән истифадә едәнлә сиз әзизләрә! Бу бөјүк сәадәт вә немәтлә фәхр един вә Аллаһын шүкрүнү әда един. Һансы дүнја ләззәти бу ләззәтлә мүгајисә олуна биләр? Һардадыр ҝүнаһла бәрабәр олан мадди әјләнҹәләр фикриндә оланлар? Аллаһа јахынлашмаг вә уҹа мәгамлара јетишмәк үчүн мадди дәјәр мүәјјән етмәк олармы? Әсла, әсла! Бура мүбарәк шәриф ајәни тәфәккүрлә охумағын јеридир: “Еј иман ҝәтирәнләр! Сизи һәјат верәҹәк шејләрә (мәсәләләрә) сәсләдији заман Аллаһын Пејғәмбәринин (с) чағырышына ҹаваб верин” (Әнфал 24) Бәли будур һәгиги һәјат вә будур мәнәвијјатла долу вә Аллаһа јахнлашмаг үчүн хәрҹләнән һәјат. Өзүмүзү илаһи тапшырыглары јеринә јетирмәк үчүн һазырлајаг вә рәһмәт Пејғәмбәринә (с) әрз едәк: Сизин шәрәфли 12-ҹи өвладынызын вүҹуду гејб дөврүндә олдуғу мүддәтдә, биз хүсусән ҹаванлар вә оруҹ тутанлар бүтүн вүҹудумузла билдиририк ки, фәдакар бир әсҝәр кими Әһли-Бејтин вә исламын нурани маарифини горујаҹағыг. Јахшылыглара әмр едиб, писликләрдән чәкиндирмәји вә диндә олан бидәтләри вә мәнфи фикирләри арадан апармағы өз вәзифәмиз билирик вә бу әмәлләрә аләмин вәлисинин зүһурунадәк садиг галҹағыг. Әзизләр! Бу дәјәрли заманларын гәдрини билин вә һәм өзүнүз, һәм диҝәрләри, һәм дә дүшмән әлиндә олан ислами мәмләкәтләри үчүн дуа един. Онларын гәләбәсини вә баш уҹалыгларыны ејни замана имам Заманын (ә) зүһуруну Аллаһдан диләјин”. Илаһи онун фәрәҹини тезләшдир, зүһур заманыны јахын ет вә бизи онун көмәкчиләриндән гәрар вер. Амин ја рәббәл аләмин”.
342/
