АБНА24 Хәбәр Верир, УС Тодај» гәзетинин јаздығына ҝөрә, Америкада коронавирус епидемијасынын азалмамасына ҝөрә, бу өлкә ишсизлијин кәскин тәрздә артмасы вә нәтиҹәдә евсиз инсанларын сајынын сон дәрәҹә артмасы илә үзләшиб. Белә ки, һәр беш јүз мин америкалыдан тәгрибән бир нәфәр өз евиндән чыхарылараг, күчәјә говулубдур. Автомобилләр ҝүнбәҝүн артан формада евсиз инсанларын мәскунлашма мәканларына чеврилибләр; әлбәттә, әҝәр онлаР автомобилә малик олмаг хәрҹини тәмин едә биләрләрсә. Һәр ҝүн даһа чох сајда инсан алтернатив јашајыш мәканы кими автомобилләрә үз тутур. Евсиз-ешиксиз инсанларын даима јердәјишмәдә олмаларыны нәзәрә алсаг, даһа даими јашајыш мәканына малик олмајан бу шәхсләрин дәгиг сајы елан олунмуш рәсми статистикадан даһа чох ола биләр. Беләликлә, һәр ҝүн Америка әһалисиндән даһа чох инсанын евсизләр ҹәрҝәсинә гошулмасына вә гарышыг бир шәраитдә јашамаға мәҹбур олмасына ҝөрә, суја әлчатанлыг вә ја зибилин тулланмасы кими ҝүндәлик проблемләр евсиз инсанлар арасындакы тоггушмаларын кәскинләшмәсинә ҝәтириб чыхарыбдыр. Белә бир һалда, тәһлүкәсизлик проблемләри дә бу евсиз вәтәндашларын диҝәр проблемләрини дәринләшдирмәкдә давам едир. "Игтисади дәјирми маса" тәдгигат тәшкилатынын һесабатында бу нәтиҹәјә ҝәлинибдир ки, иш јерләринин иллик азалмасы илә 2023-ҹү илин сонунадәк Америкада евсизлик просесинин ардыҹыл сурәтдә артмасынын шаһиди олаҹағыг. Ҹон Һопкинс Университетинин елми-техники мәркәзинин мәлуматына ҝөрә, Америкада коронавируса јолуханларын сајы 27 милјон 600 мин нәфәри өтүб кечиб. Бу хәстәликдән вәфат едәнләрин сајы исә 485 мин нәфәрдән чох олубдур.
342/
