АБНА24 Хәбәр Верир, Ҹәнуби Корејанын медиа органы јанварын 18-и Теһранын Сеулдан БМТ-јә борҹларыны өлкәнин блокланмыш фондларындан өдәмәсини хаһиш етдијини иддиа едиб. КБС радиосу сајтынын јаздығына ҝөрә, Ҹәнуби Кореја Ирандан БМТ-јә ики Ҹәнуби Корејанын банкларындакы дондурулмуш варлыгларындан борҹларыны өдәмәси үчүн тәләб алыб. Ҹәнуби Кореја Хариҹи Ишләр Назирлијиндәки мәнбә Иранын тәләбини тәсдигләјиб вә ХИН-ин бу мөвзуда диҝәр назирлик вә гурумларла мәсләһәтләшдијини сөјләјиб. Сеул Иранын бу тәләбин мүмкүн олуб-олмадығыны БМТ илә дә мүзакирә едиб. Бу арада, БМТ-нин баш катиби Антонио Гутеррес базар ертәси ҝүнү Иран да дахил олмагла једди өлкәнин, үзвлүк һагларынын өдәнилмәмәсинә ҝөрә, БМТ Баш Ассамблејасында сәс вермәк һүгугларыны итирдијини сөјләјиб. Кечән ај Иран Тиҹарәт Палатасы Ҹәнуби Корејанын ики банкында сахланылан вәсаитинин 8,5 милјард доллар олдуғуну ачыгламышды. Иран рәсмиләри әввәлләр бу вәсаитләри сәрбәст бурахмагдан имтина етмәклә јанашы, Сеулун бу вәсаитләри сахламаг үчүн пул истәдијини дә сөјләмишди.
342/
