АБНА24 Хәбәр Верир, буну Иранын мүдафиә назири бу ҝүн сәһәр Теһранда кечирилән бир тәдбирдә чыхышы заманы дејиб. Иранын мүдафиә назири шәһид Мөһсүн Фәхризадәнин террор едилмәси илә бағлы дејиб: "Бу һадисәдә дүшмән Ислам Республикасынын јени технолоҝијалар саһәсиндәки елми һәрәкәт просесини вә сүрәтини әнҝәлләмәјә чалышды". "Дүшмәнләр мүасир елмләрдә нәзәрәчарпаҹаг дәрәҹәдә ирәлиләдијимизи чох јахшы билирләр. Һансы ки, Иран Ислам Республикасынын ҝүҹүнү вә нүфузуну артырыбдыр. Она ҝөрә дә халгымызын руһијјәсини зәифләтмәјә һесабланмыш бу мәнфур һәрәкәтлә Иранын ҝүҹүнә вә тәһлүкәсизлијинә хәләл ҝәртирмәк истәјирдиләр", - дејә Әмир Һатәми әлавә едиб. Иранын мүдафиә назири сөзләринин диҝәр бир һиссәсиндә Иранын ракет потенсиалына тохунуб вә дејиб: "Ракет мәсәләси дүшмәнин ҝөзүнә тикан кими батса да, ракет потенсиалымызы һәр өтән ҝүн ҝүҹләндиририк". Ҝенерал-мајор Әмир Һатәми шәһид Фәһризадәнин рәһбәри олараг, чалышдығы Мүдафиә Назирлијинин Арашдырма вә Инновасија Тәшкилатынын бүдҹәсиндә 256 фаиз артым олдуғуну да ачыглајыб.
342/
