АБНА24 Хәбәр Верир, Иранын хариҹи ишләр назири Мәһәммәд Ҹавад Зәриф өз "Тwиттер"дәки шәхси сәһифәсиндә "Гоншулар Приоритетдир" һаштагы алтында АБШ-ын биртәрәфли һәрәкәтләринә реаксија олараг, јазыб: "АБШ рәһбәрлији бир даһа санксија тәтбиг етмәјә вә бејнәлхалг һүгугу позмаға асылылығыны ҝөстәрди". Иран Ислам Республикасынын хариҹи ишләр назири вурғулајыб: "Иран олараг, АБШ-ын Түркијәјә гаршы санксијаларыны шиддәтлә гынајырыг. Биз һәр заман Түркијә халгы вә һөкумәтинин јанындајыг. " Гејд едәк ки, АБШ-ын Малијјә Назирлији дүнән јајдығы ачыгламада, Түркијәнин мүдафиә сәнајеси Идарәси, онун рәһбәри Исмајыл Дәмир вә даһа үч Түркијә вәтәндашына гаршы санксија тәтбиг едилдијини билдириб. Адлары нәзәрә алынан Түрк рәсмиләрин АБШ-а ҝириши гадаған едилиб вә бу өлкәдәки варлыгларынын дондурулмасына гәрар верилиб. АБШ Дөвләт Катиби бу барәдә билдириб ки, Түркијә Русијанын "Рособоронехпорт" адлы силаһ ширкәти илә биләрәкдән әмәкдашлыг етдији вә С-400 ракетдән мүдафиә системини алдығы үчүн "Катса" гануну дејилән бир гануна әсасән, санксијаја мәруа галыб.
342/
