АБНА24 Хәбәр Верир, ираглы тәһлүкәсизлик мәнбәји октјабрын 23-ү Әл-Һәшдуш Шәбинин 35-ҹи бригада гүввәләринин ИШИД-ин Самирра шәһәринин Макишифа бөлҝәсинә сохулмаг вә һүҹум етмәк ҹәһдинин гаршысыны алдығыны сөјләјиб. Диҝәр тәрәфдән, Ирагын Сәлаһәддин әјаләтиндәки Самирра Әмәлијјат Гәрарҝаһы Команданлығы Әл-Һәшдуш Шәби Тәшкилатынын әмәкдашлығы илә Имам Һәсән Әскәринин (ә) шәһадәтинин илдөнүмү әрәфәсиндә зәвварларын тәһлүкәсизлијини тәмин етмәк үчүн хүсуси бир тәһлүкәсизлик планынын тамамландығыны елан едиб. Самарра Әмәлијјат Гәрарҝаһынын командири ҝенерал-мајор Ҹаббар Әд-Дараҹи бу барәдә вердији ачыгламасында бунлары дејиб: “Бу команданлыг Имам Һәсән Әскәринин (ә) шәһадәтинин илдөнүмү мүнасибәтилә зәвварлары горумаг үчүн тәһлүкәсизлик планыны тамамлады. Плана бүтүн гүввәләр дахилдир вә федерал полисдән Әл-Һәшдуш Шәби гүввәләринә гәдәр бүтүн тәһлүкәсизлик гурумлары вә гүввәләринин иштиракы илә еһтијат тәдбирләри ҝөрүлмүшдүр”.
342/
