АБНА24 Хәбәр Верир, Мустафа Әлказими дүнән ахшамчағы Әл-Ирагијјә телеканалы илә мүсаһибәдә дејиб ки, Бағдадын Вашингтонла апардығы стратежи данышыгларда әлдә олунан разылашмаја әсасән, индијәдәк Америка өзүнүн 2500 әсҝәрини Ирагдан чыхарыб. Әлказими сонра дејиб: Америкалы һәрбчиләрин Ирагдан чыхмалары давам едәҹәк. Ирагын баш назири Америка рәсмиләри илә стратежи данышыглар апармаг үчүн бир нүмајәндә һејәти илә августун ијирмисиндә Вашингтона сәфәр етди. Америка президенти Доналд Трампын Әлказими илә ҝөрүшүнүн кәнарында елан етдијинә әсасән, һәмин иҹласларда Вашингтонун үч ил әрзиндә өз гүввәләрини Ирагдан чыхармасы һагда разылыг әлдә олунубдур. Бу разылашма Ирагын рәсмиләри вә парламент үзвләринин тәнгидләринә туш ҝәлибдир. Зира Ирагын вәтәндашлары вә групларындан бир чоху террорчу американ гүввәләрин тез бир заманда Ирагдан чыхмаларыны истәјир. Ираг парламенти дә ҹари ил јанварын бешиндә АБШ гүввәләринин Ирагдан чыхмалары барәдәки лајиһәни гәбул етди.
342/
