АБНА24 Хәбәр Верир, танынмыш америкалы сенатор Берни Сандерс Твиттер һесабында белә јазыб. Вермонт штатындан сенатор Берни Сандерс АБШ-да капитализм гурулушу вә "Wалл Стреет"и кәскин тәнгид едиб. АБШ президент сечкиләринин прајмериз рәгабәтләриндә Демократ партијасынын намизәди өз Твиттер һесабында јазыб: "АБШ-ын јохсул вәтәндашларыны, хүсусилә гарадәрилиләр вә латын әсиллиләри һәбс етмәк јеринә, ҝәлин "Wалл Стреет"дәки фырылдағчы вә дәләдузлары, гачагмалчылар, террорчулар вә хариҹи коррупсионер рәсмиләр үчүн чиркли пулларын јујулмасына ҝөрә, ҹинајәт мәсулијјәтинә ҹәлб едәк". Сандерс сосиалист дүшүнҹәјә маликдир вә Американын әдаләтсиз капитализм гурулушуну дәфәләрлә тәнгид едиб. АБШ-ын Вермонт штатынын демократ сенатору бу јахынларда бир Твитдә, бу өлкәдә сон илләрдәки сосиал бәрабәрсизлик вә аз тәминатлы тәбәгәләрин аҹынаҹаглы игтисади вәзијјәтини тәнгид едиб. Сандерс дејиб: "Сон 30 илдә тәкҹә бу өлкә әһалисинин јүздә биринин сәрвәтләринин 22 трилјон доллар артымынын шаһиди олдуғу бир һалда, америкалыларын јарыдан чохунун сәрвәти азалыбдыр. АБШ-да коронавирусун јајылмасы бу өлкә халгы үчүн мәнфи игтисади фәсадлар төрәдиб.
342/
