АБНА24 Хәбәр Верир, Зәриф бу ҝүн сәһәрчағы бир твиттер месажында јазыб: Америка исрар едир ки, Иран динҹмәгсәдли нүвә енержисиндән бәһрәләнмәмәли, һеч бир мүдафиә тәҹһизаты сатын алмамалы вә мүдафиә ракетләри дүзәлтмәмәлидир. Белә бир һалда, Америка јени гитәләрарасы баллистик ракетләр үчүн јүз милјард доллар хәрҹ чәкир, сирли «јени» нүвә силаһлары дүзәлдр вә өз реҝионал мүштәриләринә 380 милјард долларлыг силаһ ҝөндәрир. Бу ријакарлыг тәәҹҹүб доғурур. Зәриф һәмчинин Ассошиејтед-Пресс-ин АБШ һава гүввәләринин «Минотмен-3» гитәләрарасы баллистик ракетинин әвәз едилмәси илә бағлы бир трилјон 303 милјард долларлыг мүһәндислик вә инкишафетдирмә мүгавиләси барәсиндәки хәбәрини бу твиттер месажына әлавә едибдир. АБШ президенти Доналд Трампын америкалы журналист Боб Вудворд илә мүсаһибәдә «јени силаһлар үзрә сирли бир систем» барәдәки сөзләри дә бу месажа әлавә олунубдур. Вудворд өзүнүн ҝәлән һәфтә чапдан чыхаҹаг «Һиддәт» адлы јени китабында јазыбдыр ки, Трамп мүсаһибәләриндән бириндә она белә демишди: Мән бир нүвә силаһы дүзәтмишәм. Елә бир силаһ системи ки, бундан өнҹәјәдәк бу өлкәдә һеч кәс она малик олмајыбдыр. Вудворд сонра јазыбдыр ки, мүсаһибә алдығы диҝәр мәнбәләр бу силаһла бағлы информасијалары тәсдиг едиб, амма Трампын она белә бир мәлуматы вермәсинә тәәҹҹүбләнибләр.
342/
