АБНА24 Хәбәр Верир, Жан Ив Ле Дриан Авропа Шурасынын сентјабр ајынын сонларында тәшкил едәҹәји иҹласын әсас мүзакирә мөвзусунун Түркијә вә Аралыг дәнизи бөһраны олаҹағыны дејәрәк, рәсми Анкараја гаршы санксијалар мәсәләсинин ҝүндәмдә дураҹағыны вурғулајыб. Ле Дриан Авропа Шурасынын иҹласында мүзакирәјә чыхарылаҹаг Түркијә досјесинин диҝәр авропалы хариҹи ишләр назирләри илә бирликдә Алманијада һазырландығыны вә досједә Түркијә әлејһинә мүмкүн реаксијаларын јер алдығыны гејд едиб. Сон һәфтәләр әрзиндә Түркијәнин Аралыг дәнизиндәки нефт вә газ јатагларына даир ахтарыш-кәшфијјат әмәлијјатларына етираз олараг Франса башда олмагла бир сыра Авропа өлкәси агрессив реаксијалар нүмајиш етдирмәјә башлајыблар. Франса Јунаныстаны һимајә мәгсәдилә сон ҝүнләр Аралыг дәнизиндәки һәрби иштиракыны артырыб.
342/
