АБНА24 Хәбәр Верир, Иран президенти Һәсән Руһани коронавирусла мүбаризә бәһанәсилә өлкәјә зәрбә вурмағы дүшмәнләрин вә онларын тәблиғат апаратларынын уғурсуз фитнәси адландырыб. Иран Ислам Республикасы президенти бу ҝүн коронавирус хәстәлији илә милли мүбаризә гәрарҝаһынын иҹласында әҹнәби медиаларын өлкәнин коронавирусла мүбаризә саһәсиндәки аддымлары барәдә әкс-тәблиғатларына ишарә едәрәк, дејиб: Әҹнәби медиалар Иранын коронавирусла мүбаризә саһәсиндә атдығы һәр бир аддымла бағлы бәһанә вә роман дүзәлдирләр. Руһани билдириб ки, Америка корона шәраитиндә Ирана дәрманын дахил олмасына иҹазә вермир. О, сонра дејиб: Хариҹи медиалар бир дәфә дә олсун белә, Американын ҹинајәт төрәтмәсинә, Иран халгы вә һөкумәтинә олан һагсыз вә амансыз тәзјигләринә тохунмајыблар. Иран Ислам Республикасынын президенти вурғулајыб: Биз мүтләг вирусу мәғлуб едәҹәјик. О, дејиб: Бу ҝүн Иранда сәһијјә ҝөстәришләринә риајәт едилмәклә «елм вә билик өјрәнмә» башланды вә ән чәтин шәраитдә белә, өлкәдә тәһсил тәтил олмајаҹагдыр.
342/
