АБНА24 Хәбәр Верир, Фәләстин Азадлыг Тәшкилатынын Иҹраијјә Комитәсинин баш катиби Саиб Әригат Әбу-даби вә Тәл-Әвив арасындакы разылашмаја биҝанә јанашдыглары үчүн Ислам Әмәкдашлығы Тәшкилаты вә Әрәб Лигасыны тәнгид едиб. О, дејиб: "Фәләстин вә Гүдс реҝионда ҝедән сијаси просесләрин гурбанына чеврилмәјәҹәк". "Әрәб вә Ислам дүнјасындакы екстремист гүввәләр Әмирликләр вә Исраил режими арасындакы анлашмадан даһа чох фајдаланаҹаглар вә белә бир разылашма илә сионист-әрәб бир һәрәкатын јаранмасынын шаһиди олаҹағыг", -дејә Әригат әлавә едиб. Фәләстинин Һәмас һәрәкатынын Бејнәлхалг Әлагәләр Бүросунун үзвү Басим Нәим исә вурғулајыб ки, Бирләшмиш Әрәб Әмирликләри һеч вахт сионист режими илә әлдә етдији разылашма сајәсиндә Фәләстин мәсәләсилә бағлы Әрәб дүнјасындакы бүтүн табулары поза билмәјәҹәк, Лакин сионист дүшмәнин ҝеҹ вә ја тез мәһв олаҹағы ајдын мәсәләдир". БӘӘ илә сионист режими арасында мүнасибәтләрин нормаллашдырылмасына көмәк етмәк үчүн АБШ президенти Доналд Трампын ардыҹыл сәјләри нәтиҹәсиндә тәрәфләр августун 13-дә дипломатик әлагәләрин адиләшдирилмәсинә даир разылыг әлдә едибләр. Бу анлашма Ислам өлкәләри вә Фәләстинин мүгавимәт групларынын кәскин гынағына сәбәб олуб.
342/
