АБНА24 Хәбәр Верир, бу барәдә Күвејт һөкумәти Бирләшмиш Әрәб Әмирликләринин Исраили танымаг гәрарынын ардынҹа ачыглама вериб. Бу мәлумата ҝөрә, Күвејт һөкумәти Исраилин танынмасына гаршы олдуғуну вә мөвгејинин дәјишмәз олараг галаҹағыны вурғулајыб. Күвејт һөкумәти Фәләстин мәсәләсинин Әрәб дүнјасынын бир нөмрәли мәсәләси олдуғуну, Фәләстин халгыны даим мүдафиә едәҹәјини вә онлара дәстәк верәҹәјини билдирәрәк, Фәләстин мәсәләси үчүн јеҝанә һәлл јолунун фәләстинлиләрин гәбул едәҹәкләри һәлл јолу олдуғуну гејд едиб. Бирләшмиш Әрәб Әмирликләри өтән һәфтә Исраил илә дипломатик әлагәләр гурмаг гәрарына ҝәлдијини ачыглады. БӘӘ Исраили рәсмән таныјан илк Әрәб дөвләтидир.
342/
