АБНА24 Хәбәр Верир, АБШ-ын Ирана гаршы силаһ ембаргосунун узадылмасына даир гәтнамә лајиһәси БМТ-нин Тәһлүкәсизлик Шурасында 11 битәрәф, ики леһинә вә ики әлејһинә сәслә тәсдиг едилмәјиб. Беләликлә дә Әһатәли Мүштәрәк Тәшәббүс програмына әсасән, Ирана гаршы силаһ ембаргосунун мүддәти ҹари илин октјабр ајында сона чатаҹаг. Иранын БМТ-дәки даими нүмајәндәси Мәҹид Тәхти Раванчи бу ҝүн ИРНА-ја вердији мүсаһибәсиндә, америкалыларын бу гәтнамәнин сәс топлаја билмәдији тәгдирдә 2231 сајлы гәтнамә чәрчивәсиндә тәтик механизминдән истифадә едәҹәкләри илә бағлы иддиаларына тохунуб вә дејиб: "Тәһлүкәсизлик Шурасынын (ТШ) АБШ-ын Ирана гаршы силаһ ембаргосунун узадылмасына даир гәтнамәсинә мәнфи рәји, Вашингтонун тәтик механизми илә бағлы иддиаларынын абсурд вә әсассыз олдуғунун ҝөстәриҹиси дә һесаб олунур". "Бу ҝүнкү сәсвермә АБШ-ын 2231 сајлы гәтнамәдән суи-истифадә сијасәтинин бенәлхалг мүстәвидә нә гәдәр мәгбул олдуғуну ҝәстәрди", -дејә Тәхти Рәванчи әлавә едиб. АБШ-ын Нүвә Анлашмасындан чыхмасына вә Иран халгына гаршы ән сәрт сансијалар тәтбиг етмәсинә тохунан Иранын БМТ-дәки даими нүмајәндәси гејд едиб ки, АБШ бејнәлхалг һүгуг нормаларына вә ТШ-нин гәрарларына әсла һөрмәт етмир, чүнки 2231 сајлы гәтнамә БМТ-нин Тәһлүкәсизлик Шурасында консенсус јолу илә тәсдиг едилиб вә АБШ-дан башга бу шура үзвләринин әксәријјәти онун иҹрасыны дәстәкләјирләр. Тәхти Рәванчи вурғулајыб: "Буна әсасән, АБШ-ын тәтик механизминдән истифадә илә бағлы иддиасынын һеч бир һүгуги вә сијаси әсасы јохдур вә онларын нәтиҹәсиз сәјләри АБШ-ын тәҹридини даһа да ҝүҹләндирәҹәкдир".
342/
