АБНА24 Хәбәр Верир, Илһам Әлијев августун 12-дә баш тутмуш телефон сөһбәтиндә президент Владимир Путинә ијулун 12-16-да Ермәнистан- Азәрбајҹан Республикасы дөвләт сәрһәдинин Товуз рајону истигамәтиндә Ермәнистанын төрәтдији тәхрибат барәдә мәлумат вериб. Әлијев Ермәнистанын нөвбәти тәҹавүз акты нәтиҹәсиндә Азәрбајҹан Республикасы Силаһлы Гүввәләринин һәрби гуллугчуларынын вә бир нәфәр мүлки шәхсин һәлак олдуғуну вурғулајыб. Илһам Әлијев Ермәнистан силаһлы гүввәләринин сәрһәд бојунҹа кәндләри вә јашајыш мәнтәгәләрини артиллерија атәшинә тутмасы нәтиҹәсиндә бир чох евләрин дағылдығыны вә јарарсыз һала дүшдүјүнү билдириб. Илһам Әлијев Ермәнистанын бу һәрби һүҹумунун әсас мәгсәдинин үчүнҹү тәрәфләри Ермәнистан-Азәрбајҹан мүнагишәсинә ҹәлб етмәк олдуғуну гејд едиб. Әлијев Ермәнистан-Азәрбајҹан Республикасы сәрһәдиндә баш вермиш тоггушмалар баша чатандан сонра, ијулун 17-дән бу ҝүнә кими Русијадан Ермәнистана һәрби тәјинатлы јүкләрин дашынмасынын интенсив характер алмасынын Азәрбајҹан Республикасы иҹтимаијјәтиндә нараһатлыг вә ҹидди суаллар доғурдуғуну Русија президентинин диггәтинә чатдырыб. Президент Илһам Әлијев Ермәнистан- Азәрбајҹан Республикасы сәрһәдиндә баш вермиш һәрби тоггушмадан дәрһал сонра Русијадан Ермәнистана дашынан һәрби тәјинатлы јүкләрин һәҹминин 400 тондан артыг олдуғуну билдириб вә телефон зәнҝинин әсас мәгсәдинин бу мәсәләнин ајдынлашдырылмасы олдуғуну вурғулајыб. Гејд едәк ки, телефон сөһбәти заманы Русија илә Азәрбајҹан Республикасы арасында икитәрәфли әмәкдашлығынын ҝүндәлијинә аид мәсәләләр мүзакирә едилиб вә Москва-Бакы тәрәфдашлығынын бүтүн саһәләрдә даһа да мөһкәмләндирилмәсинә даир гаршылыглы нијјәт ифадә олунуб.
342/
