АБНА24 Хәбәр Верир, Тәсним хәбәр аҝентлијинин мәлуматына ҝөрә, Һәссан Диаб етдији телевизија чыхышында истефа вермәсиндән хәбәр вериб. Диаб истефа вердијини елан етдикдән сонра истефа әризәсини тәгдим етмәк үчүн Лиаван Президенти Мишел Аунун ҝөрүшүнә ҝедиб. Аун бу ҝөрүшдә Һәссан Диабын истефасыны гәбул едәрәк, она јени һөкумәт формалашана гәдәр баш назир сәлаһәјјәтләринин иҹрасыны тапшырыб. Ливан КИВ-ләри Диабын истефасына сәбәб кими, ики амили ҝөстәрибләр; биринҹиси "14 Март" адлы Гәрб јөнүмлү ҹәрәјанын рәһбәрлији илә сон үч ҝүмдә Бејрут күчәләриндә кечирилән етираз аксијаларынын кәскинләшмәси, икинҹиси исә бир нечә назирин истефа вермәси. Бејрут шәһәри шәнбә ҝүнү ахшам чағындан бәри Һәссан Диабын баш назирлијинә гаршы олан "14 Март" адлы Гәрб јөнүмлү ҹәрәјанын тәһрики илә јашајыш шәраитинә вә Бејрут лиманы партлајышына етираз олараг, күчә аксијаларынын шаһидидир. Һәссан Диаб августун 10-да етдији телевизија чыхышында дејиб: "Бејрут фәлакәтинә сәбәб Ливанда вә сијаси синифләр арасындакы хроники коррупсијадыр". О, сонра вурғулајыб: "Коррупсијасы Бејрут фаҹиәсинин јаранмасына сәбәб оланлар, онун һөкумәтилә әмәкдашлыг етмәдикләри үчүн утанмалыдырлар , һансы ки, уғурлары онлар үчүн тәһдид һесаб олунурду". Августун 4-дә Бејрут лиманында јерләшән пиротехника анбарында ҝениш јанғынын баш вермәси фонунда ичәрисиндә ики мин 700 тон аммониум нитрат олан јахындакы анбарда дәһшәтли бир партлајыш баш вериб. Ливанын Сәһијјә Назирлијиндән верилән мәлумата ҝөрә, индијә кими бу партлајыш нәтиҹәсиндә 158 нәфәр һәјатыны итириб, беш миндән чох инсан исә бәдән хәсарәти алыб.
342/
