АБНА24 Хәбәр Верир, Есһаг Ҹәһанҝири дүнән ахшам Ливанын баш назири Һәсән Диаб илә телефон әлагәсиндә Бејрут лиманында баш вермиш партлајыш илә бағлы бу өлкәнин халгы вә һөкумәтинә башсағлығы вериб. Вурғуалјыб ки, Ливан мөһкәм вә башыуҹа галмагда давам едәҹәк вә бу сәрт имтаһандан да кечмишдә олдуғу кими галиб вә башыуҹа чыхаҹагдыр. Иранын Ливана лазым олан јардымлары ҝөндәрмәјә һазыр олдуғуну билдирән Ҹәһанҝири гејд едиб ки, Ливанын тәһлүкәсизлији вә сабитлији бүтүн реҝион өлкәләри үчүн мүһүмдүр вә Ливан һөкумәти дә бу һадисәнин мүгәссирләри илә ҹидди рәфтар едәҹәкдир. Иранын биринҹи витсе-президенти һәмчинин һазыркы шәраитдә Ирана гаршы һәр ҹүр санксија һәрәкәтини залымҹасына вә инсан һагларына зидд адландырыб. Һәсән Диаб да бу телефон сөһбәтиндә Теһранын һәмишәки һимајәләринә, һәмчинин Иран рәсмиләринин Ливанын һөкумәти вә халгынын кәдәри илә бөлүшмәләринә ҝөрә тәшәккүр едәрәк, вурғулајыб ки, Бејрут вә Ливан дизә чөкмәјәҹәк вә бир даһа ајаға галхаҹагдыр. Ливанын баш назири Иранын Ливанын һөкумәти вә халгына олан сәдагәтли јардымларыны јүксәк дәјәрләндирәрәк, билдириб ки, Бејрутун вәзијјәти бөһранлыдыр, амма достларын көмәјилә вәзијјәт һадисәдән өнҹәки дурума гајыдаҹагдыр.
342/
