АБНА24 Хәбәр Верир, Ненси Пелоси ҸНН телеканалы илә мүсаһибәдә деjиб: Президентин сон чыхышына әсасән, белә зәнн едирәм ки, о, индиjәдәк маскадан истифадә саһәсиндә бурахдығы сәһви вә коронавирусун зарафат олмадығыны етираф етди. Пелоси сөjләjиб: Бу епидемиjанын вәзиjjәти Трампын сәһләнкарлығына ҝөрә, даһа да jахшы олмаг әвәзинә, даһа да писләшибдир вә әслиндә бу, «Трамп вирусу»дур. Пелоси ҸНН телеканалы илә мүсаһибәдә сонра белә деjиб: Әҝәр Трамп аjлар өнҹә десәjди ки, ҝәлин маскадан истифадә вә топлантылар кечирмәк jеринә, сосиал мәсафәjә риаjәт едәк, бу ҝүн вәтәндашларын даһа чох һиссәси онун ардынҹа ҝетмиш оларды. Пелоси бу сөзләри Доналд Трампын чәршәнбә ахшамы ҝүнү сәһәр тездән Ағ Ев-дә етдиjи чыхышына реаксиjада сөjләjибдир. Зира Трамп һәмин чыхышда маскадан истифадәни мүдафиә етди вә америкалылардан истәди ки, бу хәстәликлә мүбаризә апармаг үчүн әлләри jумагла jанашы, сосиал мәсафәjә риаjәт етсинләр. Америка һазырда һәм коронавируса jолухма, һәм дә бу вирусдан өлүм һалларынын саjы бахымындан дүнjа өлкәләринин өнүндә ҝедир. Америка һөкумәти, шәхсән бу өлкәнин президенти Доналд Трамп Америкада коронавирусун jаjылмасы гаршысындакы мәсулиjjәтсизликләринә ҝөрә, кәскин тәнгид атәшинә тутулублар.
342/
