АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабынын Бөйүк Рәһбәри Һәзрәт Айәтуллаһулузма Хаменеи бу ҝүн ҹанлы телевизийа чыхышында америкалы рәсмиләрин нечәнҹи дәфә олараг Иранын истәйәҹәйи һалда бу өлкәйә дәрман вә мүалиҹә көмәкләри ҝөндәрмәйә һазыр олмаларына даир ифадәләринә ишарә едәрәк, дейибләр: Америкалыларын сөһбәтләри чох гәрибә сөзләрдәндир. Зира онларын өзләри хәстәлийин гаршысыны алмаг үчүн дәрман вә аваданлыг чатышмазлығына дүчар олублар. Онларын бәзи мәсул шәхсләри ачыг шәкилдә бу дәһшәтли чатышмазлыгдан данышыблар. Буна ҝөрә, онларын әҝәр имканлары варса, оз халгларынын дадына чатсынлар.
Һәзрәт Айәтуллаһулузма Хаменеи билдирибләр ки, америкалыларын сөзләри гәбуледилмәздир. О һәзрәт белә әлавә едибләр: Ола билсин, америкалылар елә дәрманлар ҝөндәрсинләр ки, вирусу Иранда даһа да йаймыш вә даими етмиш олсун вә йа һәтта ола биләр, шәхсләри терапевт кими ҝөндәрсинләр ки, бир һиссәси йалныз Иран үчүн дүзәлдилдийи дейилән бу вирусун тәсир ҝүҹүнү өйрәнмиш, өз мәлуматларыны тәкмилләшдирмиш вә дүшмәнчиликләрини артырмыш олсунлар.
Ислам Ингилабынын Бөйүк Рәһбәри сонра вурғулайыблар ки, әҝәр «сәбир вә мүгавимәт» «ағыл, тәдбир вә мәшвәрәт»лә йанашы оларса, гәләбә гәти олаҹагдыр. О һәзрәт сөйләйибләр: Сәбир етмәк/ тәслим олмамаг, зәифлик вә тәрәддүдә дүчар олмамаг, шүҹаәт вә тәдбирлә дүшмәнин гаршысыны алмаг вә ону мәғлуб етмәк демәкдир.
Ислам Ингилабынын Бөйүк Рәһбәри өлкәнин бүтүн проблем вә чәтинликләрлә мүбаризә үчүн фөвгәладә имкана вә 40 иллик тәҹрүбәйә малик олдуғуну хатырладараг, Иран халгына хитабән вурғулайыблар: Өлкәнин имканлары олдугҹа чохдур, лакин мүһүм олан мәсәлә будур ки, мәсул шәхсләр бу имканлары танысынлар вә бүтүн секторларда ҝәнҹ, мөмин вә стимуллу шәхсләр ишә ҝөтүрүлсүнләр.
Һәзрәт Айәтуллаһулузма Хаменеи бир даһа бүтүн халга коронавирусла милли мүбаризә гәрарҝаһынын мәсул шәхсләринин ҝөстәришләринә ҹидди йанашыб, әмәл етмәйи төвсийә вә үмидварлыг едибләр ки, Аллаһ-Таала тез бир заманда бу бәланы Иран халгындан, мүсәлман халглардан вә бүтүн бәшәриййәтдән дәф едәҹәк.
...........
340
22 mart 2020 - 11:40
Xəbər kodu: 1019511
Ислам Ингилабынын Бөйүк Рәһбәри вурғулайыблар ки, америкалылара һеч бир етимад йохдур. О һәзрәт гейд едибләр ки, америкалыларын коронавирус истеһсалында иттиһам едилдикләри бир вахтда, һансы агил инсан бу өлкәнин көмәйини гәбул едәр?
