Иран силаһлы гүввәләри өлкә бойу 20 сәййар хәстәхана иншасына һазырдыр

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасы Силаһлы Гүввәләри Баш Гәрарҝаһынын сәһиййә вә мүалиҹә үзрә рәис мүавини вә бу гүввәләрин Коронавирусла Мүбаризә Гәрарҝаһынын сөзчүсү ҝенерал Һәсән Әрагизадеһ силаһлы гүввәләрин коронавирусла мүбаризә саһәсиндәки сон тәдбирләри барәдә белә дейиб: Һазырда Иранын Силаһлы Гүввәләри хәстәханаларынын чарпайыларынын 70 фаизи коронавируслу хәстәләрә айрылыб. Һәмчинин Гом вә Рәштдә Иран ордусу вә Сепаһ-ын табелийиндә олан ики сәййар хәстәхана да гурашдырылыбдыр.

Ҝенерал Әрагизадә сөйләйиб: Коронавирусдан ирәли ҝәлән инфексийаларын арадан галдырылмасы үчүн орду, сепаһ вә полис гүввәләринин һәрби бөлмәләри фәалиййәт ҝөстәрирләр.

Иран Ислам Республикасы Силаһлы Гүввәләринин Коронавирусла Мүбаризә Гәрарҝаһынын сөзчүсү вурғулайыб: Иран Ислам Республикасынын Силаһлы Гүввәләри Иран шәһәрләринә ҝедиш-ҝәлишин гадағаны вә карантинин йарадылмасы илә бағлы мүстәгил шәкилдә һеч бир аддым атмыр.

Бунунла бағлы, Иранын йол вә шәһәрсалма назири Моһәммәд Еслами сәрнишин терминаллары, һава лиманлары вә дәмирйол стансийаларында диспансерләшдирмә әмәлиййатларынын башланмасындан хәбәр вериб вә дейиб ки, Коронавирусла Милли Мүбаризә Гәрарҝаһынын гәрарына әсасән, 13 вилайәтин чыхышында вә шәһәрләрин ҝирәҹәйиндә вәтәндашлар диспанселәшдирилирләр.

Иранда илк коронавирус һалынын ашкар едилдийи замандан бәри силаһлы гүввәләр Иранын сәһиййә назирлийи рәсмиләринин кәнарында бу вирусла мүбаризә үчүн иштирак вә һәмкарлыг едибләр.

Иранын сәһиййә назирлийинин билдирдийинә ҝөрә, индийәдәк Иранда 14991 нәфәр коронавируса йолухуб. Онлардан тәгрибән 4996 нәфәр сағалыб вә хәстәханалардан бурахылыбдыр. 853 нәфәр исә бу вируса йолухма нәтиҹәсиндә һәйатыны итириб.
..........
340