АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәсән Руһани бир нечә өлкәнин башчыларына мәктублар ҝөндәриб. О, коронавирус пандемийасына ишарә едәрәк, белә гейд едиб: Иран бу шәраитдә Америка һөкумәтинин систематик саботажлары, максимум тәзйиг сийасәтләри, ҝениш ганунсуз санксийаларындан ирәли ҝәлән ҹидди манеә вә мәһдудиййәтләрлә үзләшир.
Бу бөһранын идарә олунмасынын тәкликдә һеч бир өлкә тәрәфиндән мүйәссәр олмайаҹағыны дилә ҝәтирән Руһани белә гейд едиб: Американын Ирана гаршы санксийалары вә бир чох хариҹи вәтәндаш вә ширкәтин бу санксийалары йеринә йетирмәләри нәинки БМТ Тәһлүкәсизлик Шурасынын гәтнамәләринә зидд вә ганунсуздур, һәм дә етикадан вә инсанлыгдан узагдыр.
Иран президенти вурғулайыб ки, коронавирусун мәғлубиййәтә уғрадылмасы бейнәлхалг бир вәзифәдир. О, бу мәктубун үнванландығы өлкәләрин башчыларына үзүнү тутараг, әлавә едиб: Тәдбирләр ҝөрүлмәлидир ки, бүтүн өлкәләрин БМТ Тәһлүкәсизлик Шурасынын 2231 сайлы гәтнамәси чәрчивәсиндә Американын Иран халгына гаршы ганунсуз санксийалары тәсирдән дүшсүн вә АБШ-ын игтисади терроризми илә мүбаризә едилмиш олсун.
Руһани билдириб ки, бөһранын идарә едилмәсиндә малиййә мәнбәләринин мәһдудиййәти, сәһиййә системинин зәифләдилмәси вә игтисади структурун зәифләмәсинә сәбәб олаҹаг һәр бир сийасәт диҝәр өлкәләрдә дә бу пандемийа илә мүбаризәйә бирбаша тәсирләр ҝөстәрәҹәкдир. О, вурғулайыб: Дүнйа иҹтимаиййәтинин Американын ганунсуз вә инсанлыға гаршы йөнәлмиш гулдурлуглары гаршысында дайанмасынын, һәмчинин Американын Иран әлейһинә залымҹасына санксийаларынын бу тәһлүкәли вирусла мүбаризәни тәсир алтына алмасына иҹазә вермәмәсинин вахты ҝәлиб чатыбдыр.
.............
340
15 mart 2020 - 11:00
Xəbər kodu: 1017609
Иран президенти коронавирус пандемийасы илә мүбаризә үчүн үмуми иштирак ваҹиблийинә тохунуб. О, АБШ-ын халглара гаршы залымҹасына санксийаларынын ҝөтүрүлмәси вә гоншулар арасында мүштәрәк сәһиййә протоколларынын ишләниб һазырланмасыны вурғулайыб.
