АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Бейнәлхалг Валйута Фондунун сәдри Кристалина Ҝеорҝийева сон заманлар бир ачыгламада бу фондун коронавирус епидемийасына мәруз галмыш өлкәләрә 50 милйард доллар мигдарында фөвгәладә малиййә йардымындан хәбәр вермишди.
Иран Ислам Республикасынын хариҹи ишләр назири Мәһәммәд Ҹавад Зәриф бу ҝүн өз твиттер һесабында Иран Мәркәзи Банкынын Бейнәлхалг Валйута Фондунун бу имканыны тәҹили сурәтдә әлдә етмәк үзрә әризәсинә ишарә едиб. Вурғулайыб ки, Бейнәлхалг Валйута Фонду вә онун рәйасәт һейәти өз вәзифәләринә садиг галмалы, доғру тәрәфдә дайанмалы вә мәсулиййәтлә һәрәкәт етмәлидир.
Иран Мәркәзи Банкынын баш директору Әбдолнасер Һеммәти коронавирусла мүбаризә үчүн Теһранын БВФ-дән 5 милйард долларын верилмәсини истәдийини билдириб.
Һеммәти белә гейд едиб: Дүнйа иҹтимаиййәтинин вә Бейнәлхалг Валйута Фондунун ҹавабы зийан чәкмиш халгын йараларынын сағалмасы вә бу вирусун нәзарәтә алынмасына көмәк истигамәтиндә онларын иддиаларынын дәйәрләндирилмәси үчүн йахшы бир мейар ола биләр.
ДИҝәр тәрәфдән, Иран Хариҹи Ишләр Назирлийинин сөзчүсү Сеййед Әббас Моусәви бир твиттер месажында йазыб: Иранын хариҹи ишләр назири БМТ-нин баш катиби Антонио Гутеррешә мәктубда Американын биртәрәфли санксийаларынын ҝөтүрүлмәсини истәйиб.
Мәһәммәд Ҹавад Зәриф, сурәти бейнәлхалг тәшкилатларын сәдрләринә вә бүтүн өлкәләрин хариҹи ишләр назирләринә ҝөндәрилән бу мәктубда коронавирус хәстәлийи илә мүбаризә үчүн Американын Ирана гаршы бүтүн биртәрәфли вә ганунсуз санксийаларынын арадан галдырылмасы ваҹиблийини вурғулайыб.
.............
340
14 mart 2020 - 09:23
Xəbər kodu: 1017244
Иранын хариҹи ишләр назири Иран Мәркәзи Банкынын Бейнәлхалг Валйута Фондунун коронавирус епидемийасы илә мүбаризә үзрә имканына тәҹили әлчатмасыны истәйиб.
