Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Ирагын Нүҹәба Ислами Мүгавимәт Һәракаты бәјанат верәрәк өлкә президенти Бәрһәм Салеһи Америка Бирләшмиш Штатларынын президенти Доналд Трамп илә ҝөрүшмәји гадаған едиб вә ҝөрүшәҹәји тәгдирдә бу ҝөрүшүн Ирагын Милли Мәнафеинә ујғун олмадығы үчүн һәр нөв һадисәнин баш верәҹәји һаггында хәбәрдарлыг едибләр.
Нүҹәба һәракаты ачыг мәктубда Америка Бирләшмиш Штатларынын Ираг Халгына гаршы һәјата кечиртдији давамлы ҹинајәт вә тәҹавүзләрини садалајараг, Вашенгтонун ашкарда вә ҝизлидә ИШИД террорчуларына вердији дәстәји, Америка орусунун Ираг Көнүллү Дәстәләринә гаршы һәјата кечиртдији һәрби һүҹумларын, Мүгавимәт Ҹәбһәләринин командиринин террор едилмәси гејд едиб Давос Бејнәлхалг Саммити һашијәсиндә Доналд Трамп илә ҝөрүшмәји барәдә ҝәзән сөһбәти шиддәтлә мәһкум едиб.
Бәјанатда һәмчинин Ираг парламенти тәрәфиндән Америка ордусунун бу өлкәни тәрк етмәји илә бағлы гәбул етдији сәнәдә ишарә едиләрәк, Трамп вә онун тимсалында әлләри дирсәјә кими гана батмыш үнсүрләрлә ҝөрүшмәк һаггында гәти хәбәрдарлыг верилиб.
Хатырладаг ки, 2020-ҹи ил јанварын 3-нә кечән ҝеҹә АБШ пилотсуз тәјјарәсиндән ендирилән дәгиг ракет зәрбәләри нәтиҹәсиндә ҝенерал Гасым Сүлејмани өлдүрүлүб. Террор әмәлијјаты Бағдад аеропорту јахынлығында АБШ Хүсуси Әмәлијјатлар үзрә Бирләшмиш Команданлығы УССОҸОМ тәрәфиндән һәјата кечирилиб. Террор әмәлијјатында пилотсуз тәјјарәләрдән истифадә олунуб вә ҝенерал Сүлејманинин дә олдуғу автомобил калонуна ракет зәрбәләри ендирилиб. Нәтиҹәдә Гасым Сүлејмани илә јанашы "Һәшд-Шаби"нин иҹтимаијјәтлә әлагәләр шөбәсинин рәһбәри Мәһәммәд Рза әл-Ҹабири вә "Һәшд-Шаби" тәшкилатынын командир мүавини Әбу Меһди әл-Мүһәндиси башда олмагла даһа једди нәфәр, уҹа шәһидлик мәгамына јүксәлибләр.
Гејд едәк ки, Ҝенерал Гасым Сүлејмани рәсми Бағдад тәрәфиндән Ирага дәвәт едилиб. Бу сәбәбдән дә Ҝенерал Гасым Сүлејмани, Әбу Меһди әл-Мүһәндис тәјјарә илә Суријадан Бағдада ҝәлибләр. Даһа сонра онлары апаран автомобил кортежи аерпорту тәрк едиб, амма чох кечмәдән аеропорт әразисиндә онлары Америка ракетләри һаглајыб. Ракетләрдән бири дүз ҝенерал Сүлејманинин олдуғу автомобилә дәјиб.
Иран Ислам Республикасы буна нисби ҹаваб олараг АБШ-ын Ирагдакы ики һәрби базасына ракет зәрбәләри ендириб. АБШ тәрәфи ағыр иткләр илә үзләшсә дә лакин ҹаваб аддым атмагдан чәкинир...
Диггәт: Хәбәрдән истифадә етдикдә мәнбәјә истинад лазымдыр!
