Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Милли Шура сәдри Ҹәмил Һәсәнли Милли Шуранын үзвләриндән олан Һаҹы Талени Гасим Сүлејманини мәзлумларын һамиси, мүсәлманларын фәхри, азадлыгсевәрләрин севимлиси адландырдығы үчүн тәнгид едиб вә буну мәјуседиҹи адландырыб.
Ҹәмил мүәллимин бир мүхалифәт лдиери олараг АБШ тәрәфиндән бу ишә ҹәлб едилмәсини еһтимал етмирик. Чүнки һазырда Милли Шура, хүсусән дә Ҹәмил Һәсәнли һәтта өлкә дахилиндә белә бир о гәдәр дә ҝүндәмдә дејил. Тәбии ки, онун Әли Кәримлинин, Тофиг Јагублунун вә башгаларынын һәбс едилиб дөјүлдүјү аксијада Америкада олмасы вә орадакы достларыјла сөһбәтләр апармасы да һеч кимә сирр дејил. Јахшы һалда Ҹәмил мүәллимин АБШ тәрәфиндән бу ишә мәҹбур едилдијини дејә билмәрик. Бу сөзү Милли Шуранын сөзү кими дә дејил, мәһз һөрмәтли профессорун өз фикри кими гәбул етмәк олар. Неҹә ки, Милли Шуранын диҝәр үзвләри олан Һаҹы Тале Гасим Сүлејмани һагда мүсбәт сөзләр деди, диҝәр үзвү Әли Кәримли Азәрбајҹанын дахилинә диггәт чәкмәнин зәрури олдуғуну билдириб битәрәф галды.
Гасим Сүлејманинин тәрәфдарлары исә һаглы олараг Ҹәмил Һәсәнлидән ортаја фактлар гојмасыны тәләб етмәкдә һаглыдыр. Чүнки о дејир ки, Иран дәфәләрлә өлкәмизи тәһдид едиб, дөвләт чеврилишләриндә әли вар. Ҝөрәсән һансы өлкәдә дөвләт чеврилиши олуб вә бу, дүнјада Иранын иши кими гијмәтләндирилиб. Ҝөрәсән Иран Азәрбајҹаны нә вахт, һарда тәһдид едиб?
Әксинә, Нахчыван рәсмиләри, сакинләри, еләҹә дә Азәрбајҹан һөкүмәтинин ишчиләри дәфәләрлә дејиб ки, Иран дар ҝүндә Азәрбајҹана јардымлар едиб. Гасим Сүлејманијә ҝәлинҹә, мәрһум ҝенералын бүтүн өмрү Әфганистанда, Ливанда, Јәмәндә, Ирагда вә Суријада дөјүшмәклә кечиб. Үмумијјәтлә Ҹәмил Һәсәнли билмәлидир ки, Иранда Ислам Ингилабы оланда Гасим Сүлејманинин 22 јашы вар иди. 22 јашлы бир инсанын башы өз өлкәсиндә ингилаба, Иран-Ираг мүһарибәсинә гарышыб. Нә вахт о Азәрбајҹаны һәдәләјиб. Бүтүн дүнја гәбул едир ки, о, нифрәтә вә ләнәтә лајиг ИШИД-лә мүһарибә едиб вә она ҝөрә дә ИШИД һамиси олан АБШ тәрәфиндән террор едилиб.
Ҹәмил Һәсәнли ортаја фактлар гојсун, биз исә она белә бир суал верәк: Ҝөрәсән јарандығы вахтдан бу јана башга өлкәләрә һәрби мүдахиләләр едән, сојуг мүһарибәләри башладан, Талибан, әл-Гаидә, ИШИД јарадыб Ҹәмил Һәсәнлинин диндашларынын ҹанына салан, мүхтәлиф өлкәләрдә чеврилиш едән, атом силаһы атан ҹинајәткар бир дөвләтин ҹинајәтини писләмәк әвәзинә, мәзлумҹасына шәһид едилмиш бир ҝенералын тәрифи Ҹәмил Һәсәнлини нијә нараһат едиб? Јохса о, 90-ҹы илин әввәлләриндәки һөкүмәтләриндән ибрәт алмајыб. “Түрк-түрк” дејиб фарса нифрәт едән бир команданын үзвү һәлә дә гәбул етмәјибми ки, сијасәтдә милләт, фарс-түрк сөһбәти олмур. Һәмчинин дә гәбул етмирми ки, шәһидин, гәһрәманын өлкәси олмур? Јохса өз һөкүмәтләри заманындакы һәрбчиләри јени гурулмуш һөкүмәти дағытдыглары, гијам галдырдыглары, истефа вердикләри үчүн елә дүшүнүлүр ки, бүтүн өлкәнин ҝенераллары бу ҹүрдүр?
Диггәт: Хәбәрдән истифадә етдикдә мәнбәјә истинад лазымдыр!
