Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Доктор Мөвсүм Сәмәдов Ислам Ингилаб Кешикчиләри Корпусунун "Гүдс" гүввәләринин команданы Гасим Сүлејманинин шәһид едилмәси илә бағлы башсағлығы мүраҹиәти вериб:
“Бисмиллаһир-Рәһманир-Рәһим. Иран Ислам өлкәсинин гәһрәман оғлу, “Гүдс” һәрби бригадасынын командири, бүтүн мүсәлман дүнјасынын севимлиси, әзәмәтли вә горху билмәјән дөјүшчү ҝенерал Гасим Сүлејманинин дүнјанын ән гәддар, истисмарчы вә террорчу дөвләти сајылан Америка тәрәфиндән террор суи гәсдинә мәруз гојулмасы мүсәлман үммәтини, һагсевәр бәшәријјәти, хүсусән мәзлумлары дәрин кәдәрләндирмишдир. Онун гәһрәманҹасына шәһадәтә јетишмәси Аллаһын ән севимли бәндәси олмасыны бир даһа сүбут етди. Јахын Шәргдә вә бүтүн Ислам дүнјасында мүсәлманлара гаршы зүлмә вә залыма аман вермәмәси, һәрби пешәјә јијәләндији һәлә ҝәнҹ јашларындан башлајараг һәмишә мәзлумларын јанында вә хидмәтиндә һазыр олмасы ону хиласкар сәркәрдә кими танытмышдыр. Бир сыра мүсәлман дөвләтләринин мәзлум әһалиси бу өлмәз ҝенералын һәрби фәалијјәтиндән вә мисилсиз зәһмәтиндән руһланараг гәддар вә залым режимләрә гаршы мүбаризәләрә галхмыш, Ливан, Сурија, Ираг кими дөвләтләр өз истиглалијјәтини әлдә едиб горуја билмишләр.
Азәрбајҹанын ишғалчы Ермәнистанла апардығы Гарабағ мүһарибәси заманы Гасим Сүлејманинин ордумуза әвәзсиз көмәкликләри һеч заман јаддан чыхмамалыдыр. Амма тәәссүфләр олсун ки, о заман өлкәмиздә һакимијјәт уғрунда ҝедән мүбаризә бу көмәклији гијмәтләндирмәјә вә давам етдирилмәјә имкан вермәди, өз ичимиздән манечиликләр төрәдилди. Ҝөрүндүјү кими, шәһид Сүлејмани тәкҹә Иран дөвләтинин һәрби гүдрәтинин јүксәлиши наминә дејил, бүтүн мүсәлман дөвләтләринин истисмарчылара, гәсбкарлара гаршы мүгавимәт һәрәкатынын стимулвериҹи симасы кими әзәмәтли бир һәрби сәркәрдә, әвәзсиз шәхсијјәт иди. Реҝионда марагларыны һәјата кечирмәјә чалышан ишғалчы режимләр ҝенерал Сүлејманини гаршыларында ән бөјүк вә тәдбирли манеә кими ҝөрүрдүләр. Онун террор нәтиҹәсиндә фаҹиәли шәкилдә шәһид едилмәсинин дә әсас сәбәби мәһз дүшмәнин гаршысында дура билмәси, мүбаризәнин өнүндә ҝетмәси иди. Шәһид Гасим Сүлејманинин һәрб тарихиндә ролу вә мөвгеји нә достлары, ону севәнләр, нә дә дүшмәнләри-дүнјанын гәсбксар вә тәҹавүзкарлары унударлар. О, фәалијјәти дөврүндә јадларын, дүнја һеҝемон ҝүҹләринин Јахын вә Орта Шәрг халглары үзәриндә доминантлыг етмәсинә имкан вермәди. Вә һәм дә Азәрбајҹаны севән, халгымызын досту сајылан шәһид Сүлејмани халгымыз тәрәфиндән һеч заман унудулмајаҹаг. О, Ислам һәдәфләринин һәјата кечмәси уғрунда һәр ҹүр шәһадәтә һәмишә һазыр иди. Бу мүгәддәс јол һәр бир мүсәлман тәрәфиндән давам етдирилмәли, шәһидин гисасы дүшмәндән алынмалыдыр. Биз бу јолда ҝүҹләримизи бирләшдирмәли, Исламын һәдәфләринин һәјата кечмәсинә наил олмалыјыг. О заман бүтүн шәһидләримизин, о ҹүмләдән Азәрбајҹан шәһидләринин руһу севинәҹәк.
Аллаһ-тәала шәһид Гасим Сүлејманинин руһуну шад етсин. Башда бөјүк Рәһбәримиз олмагла гәлбиндә Илаһи ешги јашадан вә дашыјан бүтүн инсанлара башсағлығы әрз едирәм.”
Диггәт: Хәбәрдән истифадә етдикдә мәнбәјә истинад лазымдыр!
