Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Америка Бирләшмиш Штатлары Ирагда бу өлкәјә рәсми дәвәт олунмуш Сепаһын Гүдс ганадынын ҝенералы Сәрдар Сүлејманијә гаршы һәјата кечиртдији террор актындан дәр һал сонра бүтүн дүнја иҹтимаијјәти бу террор һадисәсини мәһкум етмәјә башлајыблар...
Белә ки, Азәрбајҹан республикасынын мәһбәс һәјаты сүрән, танынмыш руһаниси Һаҹы Тале Бағырзадә дә өз нөвәсиндә бу террор һадисәни гынајараг Гобустан гапалы ҹәзачәәкмә мүәссисәсиндән мәктуб јазараг Д. Трампы һәгиги Әбубәкир әл Бағдади адландырыб.
АБНА олараг мәктубун там мәтнин сиз әзизләрә тәгдим едирик:
Мәрһәмәтлли вә Рәһимли Аллаһын ады илә.
Ираг вә Суријада ИШИД-и дармадағын едиб чөкдүрән әфсанәви командан Һаҹы Гасим Сүлејмани узун мүддәтдән бәри шөвглә һәсрәтини чәкдији шәһадәт мәгамына нәһајәтдә говушду. Ҝүнләрлә мүсәлман дүнјасынын һүзүнлү гәлби Исламын бу бөјүк сәркәрдәси илә дөјүнүр, ҝөз јашлары өнун ешг вә севҝиси илә арам-арам сүзүлмәкдәдир. Бүтүн бунлара рәғмән Шәһид командан јенә дә өз ишини дөјүш мејданында ҝөрмәкдәдир. Бу горхубилмәз вә бәсирәтли сәркәрдә өз мәзлуманә шәһадәти илә сонунҹу миссијасыны да уғурла јеринә јетирәрәк бир даһа бүтүн дүнјаја ҝөстәрди ки, һәгиги Әбубәкр әл Бағдади елә Транпын өзүдүр. Мәҝәр Трамп сечки компанијасында ИШИД-ин Обама адмистрасијасы тәрфиндән јарадылдығыны ифша етмәдими? Бәлкә дә јаланчы Трампын һәјаты боју сөјләдији јеҝанә доғру хәбәри дә елә бу иди. Амма нә фајдаси? Мәҝәр Транпын ифшасындан сонра АБШ-ын террор сијасәти дәјишдими? Әсла! Әксинә Транп һакимијјәтә ҝәләр-ҝәлмәз кечмиш сәләфләрини дә ҝеридә гојараг бејнәлхалг терроризми пәрдә архасындан дејил, бирбаша идарә олунмасына ҝөстәриш верди. Һәлә бу аз имиш кими бир аз да ирәли ҝедәрәк сөздә Әбу Бәкр әл Бағдадини “өлдүруб” ИШИД-ин функсијасыны нә гәдәр аҹынаҹаглы олса да өз үзәринә ҝөтүрәрәк тарихин һеч заман унутмајаҹағы ән мәнфур вә гәддар террор актынын алтындан имза атды. Террора гаршы мүбаризәнин символуна чеврилән шәхсијјәтләрин намәрдҹәсинә террор едилмәсинә шәхсән о ҝөстәриш верди.
Террор акты АБШ-ын ҹинајәткар һәрбчиләри тәрәфиндән иҹра едилди. ИШИД-ин №1-ли дүшмәни шәһадәт шәрбәтини ичәрәк өлүмсүзләшди. Јенә дә мејданда әфсанәви шәһид командан савашырды. О бөјүк шәхсијјәт өз мәзлуманә шәһадәти илә бејнәлхалг терроризмин чөһрәсиндән гара лигабы бир тәрәфә чәкәрәк Трампын мәнфур вә идбар симасыны дүнјаја нүмајиш етдирди. Гој буну Ислам дүнјасына гәним кәсилән ганичән дүшмәнләр, бејнәлхалг ипмерализмин төр-төкүнтүләри бејинләриндә һәкк етсинләр ки, Һаҹы Гасим Сүлејмани әсла өлмәди. Әксинә, шәһадәтә говушдуғу андан Ислам дүнјасынын дүшмәнләринин даһа горхулу рөјасына, даһа тәһлүкәли кабусуна чеврилди.
Бәли, бу бир һәгигәтдир ки, һәр бир шәһид шәһадәти илә уғрунда өз ширин ҹанындан кечмәјә һазыр олдуғу јолу ишыгландырыр. Еј Исламын бөјүк вә әзәмәтли Сәрдары! Сән дә өз шәһадәтин илә һеч шүбһәсиз иззәтли мүгавмәт јолуну даһа да ишыгландырдын. Мүгавмәт савашчыларынын һидајәт мәһшәлинә, азғын дүшмәнләрин гәниминә чеврилдин. Еј мүгавмәт шәһидләринин сәрвәри! Һәбсхана диварлары сәнинилә видалашмаға, ҹәназә намазында иштирак етмәјә, сәни сон мәнзилә јола салмаға бизә мане олса да, гәлбләримиздән илһамланан дуаларымыз, ҝөз јашларымыз сәнинләдир Сәрдар! Еј әсримизин Малик Әштәри! Руһун шад, шәһадәтин мүбарәк, јолун ишыглы олсун. ЕјИслам үммәти! Башыны уҹа тут! Сәнин Гасим Сүлејмани кими бөјүк шәхсијјәтин вар. Башын сағ олсун!
Тале Бағырзадә.
Гобустан һәбсханасы
06.01. 2020
Диггәт: Хәбәрдән истифадә етдикдә мәнбәјә истинад лазымдыр!
