АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Айәтуллаһ Сеййед Әһмәд Хатәми Теһранын буһәфтәки ҹүмә намазы хүтбәләриндә Ирагдакы сон етиразларда бу өлкә халгындан онларла нәфәрин өлмәси вә йараланмасындан тәәсүф ифадә едиб. О, дейиб: Етиразчыларын мәишәт тәләбләри ираглы рәсмиләрин вә бу өлкәнин баш назиринин тәбиринҹә десәк, һаглы тәләбләр олубдур.
Теһранын ҹүмә намазы хитабәтчиси сонра дейиб: Мүртәҹе әрәб режимләри, бәәс режиминин галыглары, һәмчинин бәзи сәуд, инҝилис вә американ медиалар Ирагда чахнашма вә иғтишашын ҝенишләнмәсинә баис олублар.
“Шүбһәсиз, Ираг халгынын дүшмәнләри бу маҹәрадан суи-истифадә етмәк истәйибләр”- дейән Айәтуллаһ Хатәми әлавә едиб: Дүшмәнләр Ирагда иғтишаш төрәтмәклә Иран вә Ираг халглары арасында тәфригә салмаг вә Һүсейн Әрбәини йүрүшүнә ваһимә салмаг дахил олмагла мүәййән һәдәфләр ҝүдүрдүләр.
Айәтуллаһ Хатәми һәмчинин вурғулайыб ки, Иран Ислам Республикасы Түркийә һәрбчиләринин Сурийа әразисиндән чыхмаларыны истәйир. О, Түркийә һөкумәтинә төвсийә олараг хатырладыб ки, әрәбистан Американын нөкәри кими Вашингтонун ардынҹа ҝедәрәк, Јәмән батаглығында илишиб галыбдыр.
Теһранын ҹүмә намазы хитабәтчиси белә гейд едиб: Түркийә Американын Сурийанын шималындан чыхмасындан дәрһал сонра Вашингтонун йеринә кечмәк истәйир, амма еһтийатлы олсун ки, бу батаглыгда илишиб галмасын.
.........
340
