АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, АБШ рәсмиләри мәһкәмәйә сәнәдләр тәгдим едәрәк билдирдиләр ки, Аризона вә Калифорнийа штатларында АБШ илә Мексика арасында 32 километрлик сәрһәд диварынын иншасы үчүн топланмыш вәсаит йетәрсиздир.
Белә бир һалда, 30 сентйабр мөһләти әрәфәсиндә, һөкумәтин бир даһа бағланмасынын гаршысыны алмаг үчүн, сәрһәд диварынын иншасы илә бағлы Американ һөкумәти илә конгрес арасында ҝәрҝинлийин йени дөврү башланыбдыр.
АБШ һөкумәти сон заманлар билдирмишди ки, сәрһәд диварынын чәкилиши үчүн һәрби лайиһәләрин бүдҹәсиндән 3,6 милйард долларын көчүрүлмәси үзрә планлар нәзәрдә тутубдур.
Трамп Ағ Ев-ә дахил олдугдан сонра өз анти-миграсийа сийасәтләрини башлыҹа олараг мүсәлман олан бәзи өлкәләрин вәтәндашларынын Мексика васитәсилә Америкайа дахил олмаларынын гаршысынын алынмасы вә гадаған олунмасы илә иҹра етди.
АБШ илә Мексика арасында сәрһәд дивары бүдҹәсинин тәмини барәдә һөкумәтин конгрес илә ихтилафы Америка федерал һөкумәтинин өтән илин декабры вә бу илин йанварында бағланмасына сәбәб олду ки, бу да федерал һөкумәтин ән узун мүддәтә бағланмасы иди.
.......
340
