Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Франсада һөкумәт әлејһинә етиразлар давам едир. Нә Макронун ширин вәдләри, нә дә силаһлы ҹәза дәстәләри инсанларын күчәләрә чыхмасына мане ола билмәјиб. Халг вә полис арасындакы гаршыдурмалар исә өтән һәр ҝүн даһа да артыр.
Аксија иштиракчыларындан бири дејир: “Бу бир ағ јүрүшдүр. президент вә дахили ишләр назиринин ҝөстәриши илә халга гаршы гәддарлыг нүмајиш етдирән Франса полисинин зоракылыгларынын гурбанларынын хатирәсинә һәср олунмуш бир јүрүшдүр.”
Амма, елә бу ағ јүрүшүн өзү дә 80 минлик полис ордусунун зоракылыглары илә гаршыдурма мејданына чеврилиб.
Аксија иштиракчыларындан бири дејир: “Өзүнү бизләрдән бири адландыран Макрона инанмырам. О, фырылдагчы вә кәләкбаздыр. Макрон өлкәни идарә етмәјә гадир дејил вә һакимијјәтдән ҝетмәлидир.”
Капитализм гурулушу илә мүхалиф олан он минләрлә инсан 12-ҹи "гара шәнбә”дә Ланс, Бордо, Нант, Марсеј, Тур, Лил, Тулуз вә Страсбург шәһәрләри дахил олмагла бир чох бөјүк вә кичик шәһәрдә “Макрон Истефа” вә “ҹинајәткар дахили ишләр назири” шүары илә күчәләрә ахын едиб. Садәҹә Парис шәһәриндә 15 мин јәни өтән һәфтәкиндән 3 дәфә даһа чох инсан етираз аксијасында иштирак едиб.
Макронун варлы тәбәгәни дәстәкләмәси вә ислаһатларынын халгын хејринә олмамасы да инсанларын наразылығына сәбәб олуб: “Макронун биздән олдуғуну дүшүнмүрәм. Франса халгы вә сәрмајә саһибләри гаршысында дајананлар бу инсанлардырлар. Биз Макронун јағлы сөзләринә алданмајаҹаг вә мүбаризәмизи давам етдирәҹәјик.”
Һөкумәт Шурасынын иҹазәси илә һәлә дә аксија иштиракчыларына гаршы “флаш бал” силаһындан истифадә едән Франса һөкумәти бу дәфә дә наразы күтләјә гаршы су шырнаглары, ҝөзјашардыҹы газ вә флаш бал силаһындан ҝениш формада истифадә етди. Зоракылыглар о гәдәр ҝениш мигјаса маликдир ки, Парисин Республика мејданы “Инсан һаглары гурбанҝаһы” адландырылыр.
Бу арада Франса вәтәндашлары һөкумәтин халга гаршы зоракылыглары дајандырмасыны истәјибләр: “Һөкумәтдән халга гаршы бу кими силаһлардан истифадә етмәмәсини истәјирәм. Бунлар дөјүш силаһларыдыр. Садәҹә диктаторлар өз халгына гаршы бу силаһлардан истифадә едирләр.”
Артыг, рәсми даирәләр “гара шәнбә”ләрин гурбанларына даир статистик мәлуматлар јајмырлар. Буна бахмајараг Франса халгы етираз аксијаларында 10 нәфәрин өлмәси, минләрлә нәфәрин һәбс едилмәси һабелә, 20-дән чох инсанын ҝөзүндән олмасыны унутмајаҹаг.
Франса һөкумәти өтән 12 һәфтә әрзинидә етираз аксијаларыны јатыртмаг үчүн сијаси вә тәһлүкәсизлик бахымындан әлиндән ҝәлән һеч нәји әсирҝәмәјиб. Амма, етиразлар азалмаг јеринә даһа да артыр. Инди Франса һөкумәтинин бундан сонра неҹә бир аддым атаҹағыны заман ҝөстәрәҹәк.
Диггәт: Хәбәрдән истифадә етдикдә мәнбәјә истинад лазымдыр
