Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Лидери Сејјид Әли Хаменеи ҹәнаблары бу ҝүн сәһәр радәләриндә Елм вә Технолоҝијаларын Инкишаф Гәрарҝаһынын рәсмиләри вә тәдгигатчылары, елмләр назири вә университет мүәллимләри илә ҝөрүшүб.
Ҝөрүшдә һәзрәт Ајәтуллаһ Хаменеи өлкәнин елми инкишаф јолунда даһа артыг сүрәтлә һәрәкәт едә билмәси үчүн һәртәрәфли вә фасиләсиз сәјләрин ҝөстәрилмәсинә тәкид едәрәк, дејибләр: "Өлкәнин елми һәрәкәт сүрәти јавашламамалы вә ја дајанмамалыдыр. Елмин уҹа гүлләсини фәтһ едәнә кими сүрәти горумалысыныз."
Ислам Ингилабынын Бөјүк Рәһбәри даһа сонра дејибләр: "Јени елмләрдән вә технолоҝијалардан ҝеридә галан халглары ҝерилик, зәлиллик вә зоракы гүдрәтләр тәрәфиндән истисмар едилмәкдән башга бир тале ҝөзләмир."
Ингилаб Рәһбәри Иранын өтән 20 илдәки елми инкишафынын јахшы сүрәтә малик олдуғуну билдириб вә дејибләр: "Бу елми һәрәкәтин сүрәти азалмамалыдыр. Әксинә, бу сүрәт гаршыдан тәлән 20-30 ил үчүн горунмалы, даһа да артырылмалы вә зирвә нөгтәјә чатдырылмалыдыр."
Һәзрәт Ајәтуллаһ Хаменеи бәзи өлкәләрин ән чәтин анларда бөјүк елми инкишафын тәмәлләрини гојдугларына даир тарихи нүмунәләрә ишарә едәрәк, дејибләр: "Бизим бу ҝүнкү вәзијјәтимиз һәмин өлкәләрин о заманлар тәҹрүбә етдикләри гәдәр тәлатүмлү дејил. Буна ҝөрә дә, ҝүҹлү елми дајаглар формалашдыра биләрик."
Ингилаб Рәһбәри елми инкишаф үчүн гәрблиләрин бүтүн имканларындан истифадәнин едилмәсиә тәкид едәрәк, дејибләр: "Биз шаҝирд олмағы өзүмүзә ар билмирик. Биз, һәмишәлик олараг шаҝирд галмағы ајыб һесаб едирик."
Һәзрәт Ајәтуллаһүлүзма Хаменеи даим гәрблиләрин төвсијәләринә суи-зәнн вә шүбһә илә јанашмаг лазым ҝәлдијини дејәрәк, әлавә едибләр: "Гәрб өлкәләри бу ҝүн елми саһәдә ән бөјүк инкишафа малик өлкәләрдирләр. Амма, тарих боју бәшәријјәтә гаршы да ән чох ҹинајәт төрәтмиш өлкәләрдирләр."
Диггәт: Хәбәрдән истифадә етдикдә мәнбәјә истинад лазымдыр
